3-5 qyrkúiek aralyǵynda BUU-nyń Aziia jáne Tynyq muhity úshin ekonomikalyq jáne áleýmettik komissiiasy (ESKATO) uiymdastyrǵan Turaqty damý maqsattaryn iske asyrý jónindegi Soltústik jáne Ortalyq Aziianyń toǵyzynshy kópjaqty forýmy ótti.
Forým BUU Bas hatshysynyń orynbasary, ESKATO atqarýshy hatshysy Armida Salsiia Alisjabananyń beineúndeýimen ashyldy. Spiker BUU-nyń ODM jónindegi Óńirlik ortalyǵyn Ortalyq Aziia men Aýǵanstan úshin iske qosýdyń mańyzdylyǵyn atap ótip, ony óńirlik kúsh-jigerdi tiimdi úilestirý jolyndaǵy mańyzdy qadam dep atady.
Is-sharaǵa úkimettik qurylymdardyń, halyqaralyq uiymdardyń, ǵylymi jáne saraptamalyq qoǵamdastyqtardyń ókilderi qatyssa, Qazaqstan atynan vitse-ministr Asan Darbaev bastaǵan Ulttyq ekonomika ministrliginiń delegatsiiasy ókildik etti.
Óz sózinde vitse-ministr Qazaqstanda turaqty damý maqsattaryn ulttyq strategiialar men baǵdarlamalarǵa integratsiialaý boiynsha júieli jumys júrgizilip jatqanyn atap ótti. Onyń aitýynsha, ODM ulttyq indikatorlary bekitildi, olar memlekettik josparlaý qujattaryna mindetti túrde engizilýge jatady. Vitse-ministr strategiialyq jáne biýdjettik protsesterdiń úilesimdiligi resýrstardy basym mindetterdi iske asyrýǵa tiimdirek baǵyttaýǵa múmkindik beretinin atap ótti.
Forýmda Qazaqstannyń ODM-dy ilgeriletýdegi tájiribesine erekshe nazar aýdaryldy. UEM áleýmettik salany, quqyq qorǵaý jáne arnaiy organdardy damytý departamentiniń direktory Nurgúl Jannazarova elimizdiń qalalar men óńirlerdiń turaqtylyǵyn qamtamasyz etý tásilderin usyndy. Ol teńdestirilgen óńirlik saiasat áleýmettik-ekonomikalyq disproportsiialardy joiýǵa yqpal etetinin jáne úilesimdi damý úshin negiz qalyptastyratynyn atap ótti.
Forým aiasynda erikti ulttyq sholýlardy daiyndaý boiynsha mamandandyrylǵan seminar ótti. Munda óńir elderi progresti baǵalaýda jáne ODM-ǵa qol jetkizý boiynsha odan arǵy qadamdardy anyqtaýda tájiribe almasty.
Qazaqstandyq tájiribeni Ekonomikalyq zertteýler institýtynyń ODM hatshylyǵynyń direktory Baqytgúl Hambar usyndy. Ol «eshkimdi artta qaldyrmaý» qaǵidatyna jáne jahandyq maqsattardy óńirler deńgeiinde oqshaýlaýǵa basty nazar aýdarylatyn úshinshi erikti ulttyq sholýdy daiyndaý týraly aitty.
Seminarǵa qatysýshylar jurtshylyqty keń kólemde tartý jáne basymdyqtardy qalyptastyrý kezinde suraý salý málimetterin paidalanýdyń qazaqstandyq tájiribesin joǵary baǵalady.
Sarapshylardyń pikirinshe, mundai tásil ODM-ǵa qol jetkizý protsesin neǵurlym ashyq jáne azamattardyń naqty qajettilikterine baǵdarlaýǵa múmkindik beredi.
