Qazaqstan Iranǵa azyq túlik pen dári dármek tielgen 30 temirjol vagonynan turatyn gýmanitarlyq kómek jóneltti, dep habarlaidy dalanews.kz.
KazAID Qazaqstan halyqaralyq damý agenttiginiń málimetinshe, gýmanitarlyq júk Qazaqstan úkimetiniń qaýlysyna sáikes uiymdastyrylǵan.
«Qazaqstan Respýblikasynyń úkimeti qaýlysyna sáikes, Qazaqstan halyqaralyq damý agenttigi KazAID Syrtqy ister ministrligi, Tótenshe jaǵdailar ministrligi jáne Densaýlyq saqtaý ministrligimen birlesip Islam Respýblikasy Iranǵa azyq túlik pen dári dármek tielgen 30 temirjol vagonyn jóneltýdi uiymdastyrdy», – delingen habarlamada.
Atalǵan gýmanitarlyq júk Irannyń Qyzyl Jarty Ai qoǵamyna tabystalatyny aityldy.
«Qazaqstan halqynan dostas Iran halqyna joldanǵan kómek eki el arasyndaǵy tatý kórshilik qarym qatynas pen ózara qoldaýdyń kórinisi», – dep málimdedi agenttik.
Resmi málimetke sáikes, gýmanitarlyq kómek quramyna áleýmettik mańyzy bar azyq túlik ónimderi men meditsinalyq preparattar engizilgen.
