Qurban aitta jaǵdaiy bola tura qurbandyq shalmaý islamda aýyr amaldardyń biri retinde aitylady. Bul týraly hadisterde naqty eskertilgen, dep habarlaidy dalanews.kz.
Paiǵambar Muhammed ﷺ hadiste:
«Kimniń jaǵdaiy bola tura qurbandyq shalmasa, bizdiń namaz oqityn jerimizge jaqyndamasyn», – degen.
(Ibn Mája riýaiaty)
Islam ǵalymdarynyń aitýynsha, bul hadis qurban shalýdyń musylman úshin qanshalyq mańyzdy ekenin kórsetedi.
Taǵy bir hadiste:
«Qurban ait kúni adam balasy qan aǵyzýdan artyq Allaǵa súiikti amal jasai almaidy. Qiiamet kúni ol múiizimen, tuiaǵymen jáne júnimen keledi. Qurbandyq qany jerge túspei turyp Allanyń quzyrynda qabyl bolady», – delingen.
(Tirmizi riýaiaty)
Din mamandary qurbandyq tek mal soiý emes ekenin aitady. Onyń basty máni Allaǵa jaqyndaý, muqtaj jandarǵa kómektesý jáne sarańdyqtan arylý.
QMDB málimetinshe, qurbandyq shalý jaǵdaiy jetetin musylmanǵa mindetteledi. Qurbandyqqa qoi, eshki, siyr jáne túie shalynady.
Shariǵat boiynsha:
— qoi men eshki keminde 1 jasta,
— siyr 2 jasta,
— túie 5 jasta bolýy kerek.
Sonymen qatar mal saý ári kemshiliksiz bolýy qajet.
Imamdardyń aitýynsha, Qurban aittaǵy sadaqa, keshirim jáne kómek berý adamdy kóptegen jamandyqtan saqtaityn amaldardyń biri sanalady.
Hadiste:
«Sadaqa báleni qaitarady», – dep aitylǵan.
(Tabarani riýaiaty)
Sondai-aq islamda muqtajǵa kómektesý, týystyq bailanysty saqtaý jáne jetim-jesirge qoldaý kórsetý úlken saýap amaldardyń qataryna jatady.
Biyl Qazaqstanda Qurban ait 27–29 mamyr aralyǵynda ótedi. Qurban aittyń birinshi kúni – 27 mamyr resmi demalys bolyp belgilengen.
