Samarqand qalasynda Shekara áskerleri qolbasshylary keńesiniń 92-otyrysy ótti. Jiynǵa toǵyz eldiń shekara qyzmeti delegatsiialary, sondai-aq TMD, ShYU jáne terrorizmge qarsy qurylymdardyń ókilderi qatysty, dep habarlaidy dalanews.kz.
Kezdesýdegi Qazaqstan úshin basty jańalyqtardyń biri — UQK Shekara akademiiasyna TMD elderiniń bazalyq uiymy mártebesiniń berilýi boldy.
Endi akademiia tek maman daiarlaýmen ǵana ainalyspaidy. Sonymen qatar shekaralyq baqylaý salasyndaǵy ortaq tásilderdi qalyptastyrýǵa, ǵylymi zertteýler júrgizýge jáne mamandardyń biliktiligin arttyrýǵa atsalysady.
Iaǵni Qazaqstandaǵy Shekara akademiiasy TMD keńistigindegi shekara qaýipsizdigi máseleleri boiynsha negizgi ortalyqtardyń birine ainalmaq. Munda salalyq mamandar daiarlanyp, jańa qaýip-qaterler zerttelip, shekara qaýipsizdigin kúsheitýge arnalǵan sheshimder ázirlenedi.
Otyrys barysynda TMD elderiniń syrtqy shekaralaryndaǵy ahýal, transshekaralyq qylmysqa, terrorizm men ekstremizmge qarsy kúres máseleleri de talqylandy.
Qatysýshylar shekara vedomstvolary arasyndaǵy aqparat almasý, kadr daiarlaý, ǵylymi jumystardy damytý jáne halyqaralyq yntymaqtastyqty nyǵaitý máselelerine de erekshe nazar aýdarǵan.
Kezdesý qorytyndysy boiynsha TMD-nyń syrtqy shekaralarynyń qaýipsizdigin kúsheitýge jáne shekara qyzmetteri arasyndaǵy ózara is-qimyldy keńeitýge baǵyttalǵan 16 sheshim qabyldandy.
