سامارقاند قالاسىندا شەكارا ەسكەرلەرٸ قولباسشىلارى كەڭەسٸنٸڭ 92-وتىرىسى ٶتتٸ. جيىنعا توعىز ەلدٸڭ شەكارا قىزمەتٸ دەلەگاتسييالارى, سونداي-اق تمد, شىۇ جەنە تەرروريزمگە قارسى قۇرىلىمداردىڭ ٶكٸلدەرٸ قاتىستى, دەپ حابارلايدى dalanews.kz.
كەزدەسۋدەگٸ قازاقستان ٷشٸن باستى جاڭالىقتاردىڭ بٸرٸ — ۇقك شەكارا اكادەميياسىنا تمد ەلدەرٸنٸڭ بازالىق ۇيىمى مەرتەبەسٸنٸڭ بەرٸلۋٸ بولدى.
ەندٸ اكادەمييا تەك مامان دايارلاۋمەن عانا اينالىسپايدى. سونىمەن قاتار شەكارالىق باقىلاۋ سالاسىنداعى ورتاق تەسٸلدەردٸ قالىپتاستىرۋعا, عىلىمي زەرتتەۋلەر جٷرگٸزۋگە جەنە مامانداردىڭ بٸلٸكتٸلٸگٸن ارتتىرۋعا اتسالىسادى.
ياعني قازاقستانداعى شەكارا اكادەميياسى تمد كەڭٸستٸگٸندەگٸ شەكارا قاۋٸپسٸزدٸگٸ مەسەلەلەرٸ بويىنشا نەگٸزگٸ ورتالىقتاردىڭ بٸرٸنە اينالماق. مۇندا سالالىق ماماندار دايارلانىپ, جاڭا قاۋٸپ-قاتەرلەر زەرتتەلٸپ, شەكارا قاۋٸپسٸزدٸگٸن كٷشەيتۋگە ارنالعان شەشٸمدەر ەزٸرلەنەدٸ.
وتىرىس بارىسىندا تمد ەلدەرٸنٸڭ سىرتقى شەكارالارىنداعى احۋال, ترانسشەكارالىق قىلمىسقا, تەرروريزم مەن ەكسترەميزمگە قارسى كٷرەس مەسەلەلەرٸ دە تالقىلاندى.
قاتىسۋشىلار شەكارا ۆەدومستۆولارى اراسىنداعى اقپارات الماسۋ, كادر دايارلاۋ, عىلىمي جۇمىستاردى دامىتۋ جەنە حالىقارالىق ىنتىماقتاستىقتى نىعايتۋ مەسەلەلەرٸنە دە ەرەكشە نازار اۋدارعان.
كەزدەسۋ قورىتىندىسى بويىنشا تمد-نىڭ سىرتقى شەكارالارىنىڭ قاۋٸپسٸزدٸگٸن كٷشەيتۋگە جەنە شەكارا قىزمەتتەرٸ اراسىنداعى ٶزارا ٸس-قيمىلدى كەڭەيتۋگە باعىتتالعان 16 شەشٸم قابىلداندى.
