Túrkiia prezidenti Rejep Taiip Erdoǵan Túrki memleketteri uiymynyń beiresmi sammitinde túrki álipbiin keńinen qoldaný jáne ǵylym, bilim berý men jasandy intellekt salalaryndaǵy yntymaqtastyqty kúsheitý qajettigin málimdedi, dep habarlaidy dalanews.kz.
Sammit Túrkistan qalasynda ótti.
Erdoǵannyń aitýynsha, túrki áleminiń tildik jáne mádeni murasyn saqtap, nyǵaitý úshin tsifrlyq sheshimderdi damytý erekshe mańyzǵa ie.
– 34 áripten turatyn ortaq túrki álipbiin qoldaný aiasyn keńeitý mańyzdy. Sonymen qatar, qatysýshy elderdegi ǵylymi jáne bilim berý bastamalaryn qoldaý qajet. Túrki áleminiń tilderi men mádeni murasyn damytýda jasandy intellekt tehnologiialary erekshe ról atqarady, – dedi Túrkiia basshysy.
Sondai-aq ol aimaqtyq jáne jahandyq daǵdarystar jaǵdaiynda memleketter arasyndaǵy úilestirýdi kúsheitý qajettigin atap ótti.
– Bizdiń ainalamyzdaǵy daǵdarystar yntymaq pen ortaq árekettiń mańyzyn kórsetip otyr. Elder arasyndaǵy keńesý jáne seriktestik tetikterin nyǵaitý qajet, – dedi Erdoǵan.
Túrkiia prezidenti kólik-logistika baǵyttaryn damytý máselesine de toqtalyp, Orta dálizdiń strategiialyq mańyzyn erekshe atady.
– Orta dálizdi qosa alǵanda, kólik jáne logistikalyq jobalardy damytý mańyzdy. Bul – strategiialyq mańyzy joǵary baǵyt, – dedi ol.
Budan bólek, Erdoǵan álemniń birqatar óńirindegi ahýal memleketterdiń ózara tyǵyz úilestirýin talap etetinin aitty.
– Palestina, Iran, Ýkraina jáne basqa da óńirlerdegi jaǵdai birlesken kúsh-jiger men tyǵyz koordinatsiiany qajet etedi, – dep atap ótti Túrkiia prezidenti.
Atalǵan bastamalar Túrki memleketteri uiymy beiresmi sammitiniń kún tártibi aiasynda kóterildi. Jiynda tsifrlyq damý, qaýipsizdik jáne integratsiiany kúsheitý máseleleri negizgi taqyryptardyń biri boldy.
