Sý resýrstary jáne irrigatsiia ministri Nurjan Nurjigitov Jetisai jáne Maqtaaral aýdandarynyń sharýalarymen kezdesip, Túrkistan oblysyndaǵy sýarý maýsymyn qorytyndylady, – dep habarlaidy Dalanews.kz.
Vedomstvo basshysy sharýalarǵa aýyl sharýashylyǵynda sý únemdeý tehnologiialaryn engizýdi yntalandyrý sharalary týraly aityp berdi. Biyl Sý resýrstary jáne irrigatsiia ministrligine berilgen jańa fýnktsiialar aiasynda 2026-2028 jyldarǵa arnalǵan jalpy sipattaǵy transfertterdi qalyptastyrý jumystary júrgizilip jatyr.
Osy transfertter esebinen aldaǵy úsh jylda Túrkistan oblysynda sý únemdeý tehnologiialaryn engizý men sýarmaly sý berý qyzmetterin investitsiialyq sýbsidiialaý úshin shamamen 90 mlrd teńge qarastyrylǵan.
– Aptap ystyq pen jaýyn-shashynnyń bolmaýy Qazaqstannyń ońtústiginde kúrdeli jaǵdai týǵyzdy. Alaida jedel qabyldanǵan sharalardyń arqasynda ahýaldy turaqtandyryp, sýarmaly jerlerdi sýmen qamtamasyz ete aldyq. Ministrlik arnaiy jumys toptaryn quryp, ońtústik oblystardaǵy sý sharýashylyǵy jaǵdaiyna monitoring júrgizdi, sýarmaly sýdy ádil bólýge baqylaý jasady, kezekshilik kestelerin bekitti, zańsyz sý alýǵa qatysty tekserister júrgizdi jáne túsindirý jumystaryn atqardy.
Bolashaqta mundai qiyndyqtarǵa jol bermeý úshin sý únemdeý tehnologiialaryna belsendirek kóshý qajet. Osy maqsatta biz zamanaýi sýarý júielerin engizýdi sýbsidiialaý sharttaryn jetildirdik, – dedi Sý resýrstary jáne irrigatsiia ministri Nurjan Nurjigitov.
