Jánibek Taijanov kólik vitse-ministri bolyp taǵaiyndaldy, dep habarlaidy Dalanews.kz.
"Qazaqstan Respýblikasy Úkimetiniń qaýlysymen Jánibek Jumauly Taijanov kólik vitse-ministri qyzmetine taǵaiyndaldy", - dep jazylǵan habarlamada.
Ol 1982 jyly Aqmola oblysynda dúniege kelgen. T. Rysqulov atyndaǵy Qazaq ekonomikalyq ýniversitetin, Qazaq qatynas joldary ýniversitetin, Azamattyq aviatsiia akademiiasyn bitirgen.
Eńbek jolyn 2003 jyly bastaǵan, ár jyldary "Qazaqstan temir joly" UK filialdarynda jumys istedi.
2014-2019 jyldary – QR Investitsiialar jáne damý ministrligi, Indýstriia jáne infraqurylymdyq damý ministrligi departamenti direktory.
2019-2022 jyldary – QR IIDM Kólik komiteti tóraǵasynyń orynbasary.
2022-2024 jyldary – "Qazaqstan temir joly" UK "Jolaýshylar tasymaly" AQ bas direktorynyń birinshi orynbasary, bas direktor - basqarma tóraǵasy.
2024 jylǵy qazannan bastap qazirgi ýaqytqa deiin QR Kólik ministrliginiń Temirjol jáne sý kóligi komiteti tóraǵasy qyzmetin atqardy.
Eske salaiyq, buǵan deiin kólik vitse-ministri Sátjan Ablaliev ustaldy.
