Almaty prokýratýrasy Bajkenovaǵa «Mass-media týraly» Zańynyń talaptaryn túsindirdiSońǵy ýaqytta onlain-platformalarda jalǵan aqparattyń taralý derekteri tirkeldi. Osyndai jariialanymdardan keiin «Orda» aqparattyq-taldaý arnasynyń bas redaktory Gúlnár Bajkenovaǵa qala prokýratýrasy Qazaqstan Respýblikasynyń «Mass-media týraly» Zańynyń talaptaryn aýyzsha jáne jazbasha túrde túsindirdi.
Sonymen qatar ol el zańdaryn buzýdyń jol berilmeitini jáne qasaqana jalǵan aqparat taratqany úshin Qazaqstan Respýblikasy Qylmystyq kodeksiniń 274-baby 2-bóliginiń 3-tarmaǵyna sáikes 3 jylǵa deiingi merzimge bas bostandyǵynan aiyrý jazasy kózdelgeni týraly qatań eskertildi.
Sondai-aq azamatty sybailas jemqorlyq, aýyr nemese asa aýyr qylmys jasady dep qasaqana jalǵan aiyptaý derekteri boiynsha Qazaqstan Respýblikasy Qylmystyq kodeksiniń 419-baby 3-bóligine sáikes 8 jylǵa deiingi merzimge bas bostandyǵynan aiyrý túrindegi qylmystyq jaýaptylyq qarastyrylatyny túsindirildi.
Osyǵan bailanysty qala prokýratýrasy azamattardy jáne buqaralyq aqparat quraldaryn Qazaqstan Respýblikasynyń zańdaryn qatań saqtaýǵa shaqyrady jáne qoǵamdyq ortada, onyń ishinde buqaralyq aqparat quraldarynda jalǵan, shyndyqqa sáikes kelmeitin málimetterdi taratpaýǵa qatań túrde shaqyrady.
