Májilis depýtaty Ashat Aimaǵambetov himioterapiia týraly mańyzdy jazba jariialady, dep habarlaidy Dalanews.kz.
Onyń aitýynsha, "Halyq densaýlyǵy týraly" kodekste árbir azamattyń tegin dárimen qatar, qosymsha tólem arqyly ózine qajet dárini tańdaý quqyǵy aiqyn kórsetilgen. Iaǵni memleket belgili bir dárini tegin beredi, biraq eger naýqas sol diagnozǵa arnalǵan basqa, túpnusqa nemese baǵasy joǵaryraq dárini alǵysy kelse, onyń baǵasyndaǵy aiyrmashylyqty ózi tólep, sol dárini alýǵa quqyly.
"Alaida bul norma tek qaǵaz júzinde qaldy. Is júzinde ol tolyqqandy jumys istemeidi. Birneshe pilottyq joba bastalǵanymen, úlesaqy tetigi naýqasqa deiin jetpei otyr. Adamdarǵa bul júieniń paidasyn kórý múmkindigi berilmei keledi. Bul másele, ásirese, onkologiia salasynda óte ózekti. Himioterapiiaǵa qatysty aitsaq, bul ymyra kótermeitin sala. Sebebi munda qate sheshim adam ómirine tikelei áser etedi. Onkolog dárigerlerdiń ózi jeke sóileskende, emniń senimdi ári tiimdi bolýy úshin dáleldengen túpnusqa preparattardy qoldaný qajet ekenin aitady. Al otandyq ónimderge kelsek, olardyń bári tiimsiz deýden aýlaqpyz.
Biraq basty másele - bul dárilerdiń sapasy men tiimdiligi qalai jáne qanshalyqty tekseriledi? Shikizat elge kirgende baqylaý bar ma? Keiin qandai qadaǵalaý júrgiziledi? Bul - jaýapsyz qalyp otyrǵan suraqtar. Al sapaly túpnusqa himioterapiiaǵa qajet preparattardyń baǵasy óte qymbat", - dedi ol.
Depýtattyń sózinshe, osy máselelerdiń saldarynan kóptegen otbasy úiin satyp, nesiege belshesinen batyp, jaqynyna "naǵyz" em, sapaly "himiia" alyp berýge májbúr.
