مەجٸلٸس دەپۋتاتى اسحات ايماعامبەتوۆ حيميوتەراپييا تۋرالى ماڭىزدى جازبا جارييالادى, دەپ حابارلايدى Dalanews.kz.
ونىڭ ايتۋىنشا, "حالىق دەنساۋلىعى تۋرالى" كودەكستە ەربٸر ازاماتتىڭ تەگٸن دەرٸمەن قاتار, قوسىمشا تٶلەم ارقىلى ٶزٸنە قاجەت دەرٸنٸ تاڭداۋ قۇقىعى ايقىن كٶرسەتٸلگەن. ياعني مەملەكەت بەلگٸلٸ بٸر دەرٸنٸ تەگٸن بەرەدٸ, بٸراق ەگەر ناۋقاس سول دياگنوزعا ارنالعان باسقا, تٷپنۇسقا نەمەسە باعاسى جوعارىراق دەرٸنٸ العىسى كەلسە, ونىڭ باعاسىنداعى ايىرماشىلىقتى ٶزٸ تٶلەپ, سول دەرٸنٸ الۋعا قۇقىلى.
"الايدا بۇل نورما تەك قاعاز جٷزٸندە قالدى. ٸس جٷزٸندە ول تولىققاندى جۇمىس ٸستەمەيدٸ. بٸرنەشە پيلوتتىق جوبا باستالعانىمەن, ٷلەساقى تەتٸگٸ ناۋقاسقا دەيٸن جەتپەي وتىر. ادامدارعا بۇل جٷيەنٸڭ پايداسىن كٶرۋ مٷمكٸندٸگٸ بەرٸلمەي كەلەدٸ. بۇل مەسەلە, ەسٸرەسە, ونكولوگييا سالاسىندا ٶتە ٶزەكتٸ. حيميوتەراپيياعا قاتىستى ايتساق, بۇل ىمىرا كٶتەرمەيتٸن سالا. سەبەبٸ مۇندا قاتە شەشٸم ادام ٶمٸرٸنە تٸكەلەي ەسەر ەتەدٸ. ونكولوگ دەرٸگەرلەردٸڭ ٶزٸ جەكە سٶيلەسكەندە, ەمنٸڭ سەنٸمدٸ ەرٸ تيٸمدٸ بولۋى ٷشٸن دەلەلدەنگەن تٷپنۇسقا پرەپاراتتاردى قولدانۋ قاجەت ەكەنٸن ايتادى. ال وتاندىق ٶنٸمدەرگە كەلسەك, ولاردىڭ بەرٸ تيٸمسٸز دەۋدەن اۋلاقپىز.
بٸراق باستى مەسەلە - بۇل دەرٸلەردٸڭ ساپاسى مەن تيٸمدٸلٸگٸ قالاي جەنە قانشالىقتى تەكسەرٸلەدٸ? شيكٸزات ەلگە كٸرگەندە باقىلاۋ بار ما? كەيٸن قانداي قاداعالاۋ جٷرگٸزٸلەدٸ? بۇل - جاۋاپسىز قالىپ وتىرعان سۇراقتار. ال ساپالى تٷپنۇسقا حيميوتەراپيياعا قاجەت پرەپاراتتاردىڭ باعاسى ٶتە قىمبات", - دەدٸ ول.
دەپۋتاتتىڭ سٶزٸنشە, وسى مەسەلەلەردٸڭ سالدارىنان كٶپتەگەن وتباسى ٷيٸن ساتىپ, نەسيەگە بەلشەسٸنەن باتىپ, جاقىنىنا "ناعىز" ەم, ساپالى "حيمييا" الىپ بەرۋگە مەجبٷر.
