Aǵymdaǵy jyldyń 6 qyrkúieginde Astana qalasynda «Parýsa dýha» jobasy aiasynda «Rosatom» memlekettik atom energiiasy korporatsiiasynyń qoldaýymen «Belaia Trost» avtonomdy kommertsiialyq emes uiymy júzege asyratyn «Ekstrabiliti kúnderi» atty halyqaralyq áleýmettik sporttyq is shara ótti.
Bul jai ǵana sporttyq saiys emes, bul-adam janynyń beriktigi men sheksiz múmkindikterin pash etetin erekshe joba.
Álemniń túkpir-túkpirinen,máselen, Túrkiia,Qyrǵyzstan, Resei, Latviia jáne t.b. elderden kelgen qatysýshylar bas qalada bas qosyp, naǵyz erik jigerdiń,senim men tabandylyqtyń úlgisin kórsetti.
«Parýsa dýha» jobasynyń jetekshisi jáne avtory, «Ekstrabiliti» ideiasynyń avtory Oleg Kalpashikovtyń aitýy boiynsha : «Parýsa dýha» jobasy 2011 jyldan beri álemniń túrli elderinde: Qazaqstanda, Túrkiiada,Qyrǵyzstanda, Armeniiada, Reseide jáne t.b. memleketterde tabysty júzege asyrylyp keledi. Joba- qatysýshylardyń shynaiy birligin, ózara túsinistigi men qoldaýyn nyǵaitýdy maqsat etedi. Ártúrli elder men mádenietter ókilderi bir alańda bas qosyp, tek jarysyp qana qoimai, ózara tájiribe almasady.Sonymen qatar,bul joba jasyryn talanttar men qabiletterdiń ashylýyna kómektesedi».
Baǵdarlama aiasynda elordanyń jaǵalaýynda qonaqtardy erekshe mazmunǵa toly úlken is shara kútip turdy.Shara barysynda inkliýzivti regata, sezim qabiletin damytýǵa arnalǵan sheberlik sabaqtar, sondai aq katamaran bortynda ótken gala kontsert uiymdastyryldy.Bul joba ómirlik tájiribesi ártúrli adamdardy, sonyń ishinde múmkindigi shekteýli jandardy da,sport,mádeniet jáne bilim arqyly bir arnaǵa toǵystyrǵan mańyzdy shara.
Aita ketetin bolsaq, Qazaqstanda bul joba úshinshi márte uiymdastyrylyp jatyr. «Ekstrabiliti kúnderi»- bul múmkindigi shekteýli emes, múmkindigi erekshe jandardyń merekesi. Bul kúnderi Astana tek sport alańyna emes, júrekterge úmit pen shabyt syilaityn rýhani keńistikke ainaldy.
Rýhtyń parýsy kóterilgende,eshbir kedergi joq. Sebebi adam rýhy-eń qýatty qozǵaltqysh.Al «Ekstrabiliti kúnderi» -sonyń jarqyn dáleli.
