اعىمداعى جىلدىڭ 6 قىركۇيەگىندە استانا قالاسىندا «پارۋسا دۋحا» جوباسى اياسىندا «روساتوم» مەملەكەتتىك اتوم ەنەرگياسى كورپوراسياسىنىڭ قولداۋىمەن «بەلايا تروست» اۆتونومدى كوممەرسيالىق ەمەس ۇيىمى جۇزەگە اسىراتىن «ەكسترابيليتي كۇندەرى» اتتى حالىقارالىق الەۋمەتتىك سپورتتىق ءىس شارا ءوتتى.
بۇل جاي عانا سپورتتىق سايىس ەمەس، بۇل-ادام جانىنىڭ بەرىكتىگى مەن شەكسىز مۇمكىندىكتەرىن پاش ەتەتىن ەرەكشە جوبا.
الەمنىڭ تۇكپىر-تۇكپىرىنەن،ماسەلەن، تۇركيا،قىرعىزستان، رەسەي، لاتۆيا جانە ت.ب. ەلدەردەن كەلگەن قاتىسۋشىلار باس قالادا باس قوسىپ، ناعىز ەرىك جىگەردىڭ،سەنىم مەن تاباندىلىقتىڭ ۇلگىسىن كورسەتتى.
«پارۋسا دۋحا» جوباسىنىڭ جەتەكشىسى جانە اۆتورى، «ەكسترابيليتي» يدەياسىنىڭ اۆتورى ولەگ كالپاششيكوۆتىڭ ايتۋى بويىنشا : «پارۋسا دۋحا» جوباسى 2011 جىلدان بەرى الەمنىڭ ءتۇرلى ەلدەرىندە: قازاقستاندا، تۇركيادا،قىرعىزستاندا، ارمەنيادا، رەسەيدە جانە ت.ب. مەملەكەتتەردە تابىستى جۇزەگە اسىرىلىپ كەلەدى. جوبا- قاتىسۋشىلاردىڭ شىنايى بىرلىگىن، ءوزارا تۇسىنىستىگى مەن قولداۋىن نىعايتۋدى ماقسات ەتەدى. ءارتۇرلى ەلدەر مەن مادەنيەتتەر وكىلدەرى ءبىر الاڭدا باس قوسىپ، تەك جارىسىپ قانا قويماي، ءوزارا تاجىريبە الماسادى.سونىمەن قاتار،بۇل جوبا جاسىرىن تالانتتار مەن قابىلەتتەردىڭ اشىلۋىنا كومەكتەسەدى».
باعدارلاما اياسىندا ەلوردانىڭ جاعالاۋىندا قوناقتاردى ەرەكشە مازمۇنعا تولى ۇلكەن ءىس شارا كۇتىپ تۇردى.شارا بارىسىندا ينكليۋزيۆتى رەگاتا، سەزىم قابىلەتىن دامىتۋعا ارنالعان شەبەرلىك ساباقتار، سونداي اق كاتاماران بورتىندا وتكەن گالا كونسەرت ۇيىمداستىرىلدى.بۇل جوبا ومىرلىك تاجىريبەسى ءارتۇرلى ادامداردى، سونىڭ ىشىندە مۇمكىندىگى شەكتەۋلى جانداردى دا،سپورت،مادەنيەت جانە ءبىلىم ارقىلى ءبىر ارناعا توعىستىرعان ماڭىزدى شارا.
ايتا كەتەتىن بولساق، قازاقستاندا بۇل جوبا ءۇشىنشى مارتە ۇيىمداستىرىلىپ جاتىر. «ەكسترابيليتي كۇندەرى»- بۇل مۇمكىندىگى شەكتەۋلى ەمەس، مۇمكىندىگى ەرەكشە جانداردىڭ مەرەكەسى. بۇل كۇندەرى استانا تەك سپورت الاڭىنا ەمەس، جۇرەكتەرگە ءۇمىت پەن شابىت سىيلايتىن رۋحاني كەڭىستىككە اينالدى.
رۋحتىڭ پارۋسى كوتەرىلگەندە،ەشبىر كەدەرگى جوق. سەبەبى ادام رۋحى-ەڭ قۋاتتى قوزعالتقىش.ال «ەكسترابيليتي كۇندەرى» -سونىڭ جارقىن دالەلى.
