Aqmola oblysynyń Alǵabas aýylynda OneWeb geostatsionarly emes spýtniktik bailanys júiesi (NGSO) arqyly jumys isteitin qoǵamdyq Wi-Fi núktesi iske qosyldy. Bul bastama Qazaqstan Respýblikasynyń Tsifrlyq damý, innovatsiialar jáne aeroǵarysh ónerkásibi ministrligi tarapynan «Qoljetimdi internet» ulttyq jobasy aiasynda júzege asyrylyp otyr, dep habarlaidy Dalanews.kz.
Joba baǵyttarynyń biri – shalǵaidaǵy nemese halqy az aýyldardy internetke qosý. Mundai eldi mekenderge talshyqty-optikalyq bailanys jelilerin tartý nemese mobildi stantsiialar ornatý tiimsiz. Al atalmysh tehnologiia joǵary jyldamdyqty ári turaqty internetti ózge sheshimder múmkin bolmaityn jerlerde de qoljetimdi etedi.
Jalpy, NGSO tehnologiiasy arqyly 504 aýyldy internetpen qamtý kózdelgen. Búginde 176 eldi meken KazSat spýtnikteri arqyly qosyldy, al taǵy 328 OneWeb júiesi negizinde qamtylady. Alǵabas aýylyn internetke qosý osy baǵyttaǵy alǵashqy qadamdardyń biri boldy.
«Buǵan deiin aýylymyzda bailanys múldem bolmaǵan. Habar alý úshin 3 shaqyrym jerdegi taýdyń basyna shyǵatynbyz. Endi aýylymyzda internet bar. Aǵaiyndarymyzǵa habarlasyp úlgerdik», dedi Alǵabas aýylynyń turǵyny Botagóz Hýsainova
Endi aýyl turǵyndary onlain-bilim alýǵa, elektrondyq memlekettik qyzmetterdi paidalanýǵa jáne jaqyndarymen erkin bailanysta bolýǵa múmkindik alady.
