اقمولا وبلىسىنىڭ العاباس اۋىلىندا OneWeb گەوستاسيونارلى ەمەس سپۋتنيكتىك بايلانىس جۇيەسى (نگسو) ارقىلى جۇمىس ىستەيتىن قوعامدىق Wi-Fi نۇكتەسى ىسكە قوسىلدى. بۇل باستاما قازاقستان رەسپۋبليكاسىنىڭ سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى تاراپىنان «قولجەتىمدى ينتەرنەت» ۇلتتىق جوباسى اياسىندا جۇزەگە اسىرىلىپ وتىر، دەپ حابارلايدى Dalanews.kz. 

جوبا باعىتتارىنىڭ ءبىرى – شالعايداعى نەمەسە حالقى از اۋىلداردى ينتەرنەتكە قوسۋ. مۇنداي ەلدى مەكەندەرگە تالشىقتى-وپتيكالىق بايلانىس جەلىلەرىن تارتۋ نەمەسە ءموبيلدى ستانسيالار ورناتۋ ءتيىمسىز. ال اتالمىش تەحنولوگيا جوعارى جىلدامدىقتى ءارى تۇراقتى ينتەرنەتتى وزگە شەشىمدەر مۇمكىن بولمايتىن جەرلەردە دە قولجەتىمدى ەتەدى.

جالپى، نگسو تەحنولوگياسى ارقىلى 504 اۋىلدى ينتەرنەتپەن قامتۋ كوزدەلگەن. بۇگىندە 176 ەلدى مەكەن KazSat سپۋتنيكتەرى ارقىلى قوسىلدى، ال تاعى 328 OneWeb جۇيەسى نەگىزىندە قامتىلادى. العاباس اۋىلىن ينتەرنەتكە قوسۋ وسى باعىتتاعى العاشقى قادامداردىڭ ءبىرى بولدى.

«بۇعان دەيىن اۋىلىمىزدا بايلانىس مۇلدەم بولماعان. حابار الۋ ءۇشىن 3 شاقىرىم جەردەگى تاۋدىڭ باسىنا شىعاتىنبىز. ەندى اۋىلىمىزدا ينتەرنەت بار. اعايىندارىمىزعا حابارلاسىپ ۇلگەردىك»، دەدى العاباس اۋىلىنىڭ تۇرعىنى بوتاگوز حۋساينوۆا

ەندى اۋىل تۇرعىندارى ءونلاين-بىلىم الۋعا، ەلەكتروندىق مەملەكەتتىك قىزمەتتەردى پايدالانۋعا جانە جاقىندارىمەن ەركىن بايلانىستا بولۋعا مۇمكىندىك الادى.