Qamaýda otyrǵan burynǵy UQK tóraǵasy Kárim Másimovke tiesili 1,6 mlrd teńge turatyn záýlim úi respýblikalyq menshikke ótkizildi. Bul týraly «Kýrsivke» «Qaitarylǵan aktivterdi basqarý kompaniiasy» habarlady, dep habarlaidy Dalanews.kz.
Qarjy ministrliginiń Memlekettik múlik jáne jekeshelendirý komitetiniń buiryǵymen nysan Oqý-aǵartý ministrligine qarasty «Arnaiy jáne inkliýzivti bilim berýdi damytýdyń ulttyq ǵylymi-praktikalyq ortalyǵynyń» balansyna bekitildi.
«Qaitarylǵan aktivterdi basqarý kompaniiasy» málimetinshe, sheshim nysannyń sipattamalary men áleýmettik qoldaý salasyndaǵy memlekettik basymdyqtarǵa bailanysty qabyldanǵan. Bul jańa qurylysqa biýdjet qarjysyn jumsamaýǵa jáne qaitarylǵan aktivti memleket pen qoǵam múddesine tez arada paidalanýǵa múmkindik beredi. Áńgime daiyn infraqurylymy bar turǵyn úi men oǵan tiesili jer ýchaskesi týraly bolyp otyr.
Buǵan deiin bul úidi Astananyń kommýnaldyq menshigine ótkizip, áleýmettik maqsatta paidalaný qarastyrylǵan. Alaida elordalyq Bilim basqarmasy sanitarlyq normalarǵa sáikes kelmeitinin aityp, bas tartqan.
«Kýrsivtiń» jazýynsha, záýlim úi alǵashynda 1,8 mlrd teńgege aýktsionǵa qoiylǵan, biraq satyp alýshylar bolmaǵandyqtan saýda eki ret ótpei qalǵan. Keiin sáýir aiynda nysan qaita satylymǵa shyǵaryldy, alaida bul joly 282 mln teńgege arzan – 1,6 mlrd teńgege baǵalandy.
Eske salaiyq, Kárim Másimov 2023 jyldyń sáýirinde memleketke opasyzdyq jasaý, bilikti basyp alýǵa tyrysý jáne qyzmettik ókilettigin asyra paidalaný aiyptary boiynsha 18 jylǵa sottalǵan. 2024 jyldyń maýsymynda ol prezident Qasym-Jomart Toqaevtan keshirim suraǵanymen, bas tartyldy. Sondai-aq, Konstitýtsiianyń 30 jyldyǵyna bailanysty jariialanǵan amnistiiaǵa da Másimov ilikpedi.
