Bloger Qaisar Qamza Vetnamnan videoúndeý jariialady. Ol ózin Qazaqstanǵa ekstraditsiialaý máselesi qaralyp jatqanyn málimdedi, dep habarlaidy Dalanews.kz.
Video blogerdiń Instagram paraqshasynda jariialanǵan. Qaisar Qamza jýyrda Qazaqstanǵa baryp kelgenin, keiin Vetnamnyń Niachang qalasyna oralǵanyn aitqan. Onyń sózinshe, immigratsiialyq qyzmet tólqujatyn alyp qoiǵan.
"Bári jaqsy bolady dep úmittenemin. Osyny aitqym keldi. Jaqsy kúnderde qaita kezdeskenshe", – dedi ol.
Eske salaiyq, sáýirde millionnan asa oqyrmany bar bloger Vetnamnyń Kamran qalasynda ustalǵan edi. Ishki ister ministrligi málimetinshe, ol Interpol jelisi arqyly qolǵa túsken.
Tergeý deregine sáikes bloger áleýmettik jelilerde onlain kazinony turaqty túrde jarnamalap, aýditoriiany qumar oiyndarǵa tartqan degen kúdikke ilingen. Vedomstvo málimetinshe, osy áreketter arqyly 100 million teńgeden asa zańsyz tabys túsýi múmkin. Qarajat kriptovaliýta ámiiandaryna aýdarylyp otyrǵany habarlandy.
