AQSh prezidenti Donald Tramp Kongreske Iranǵa qarsy áskeri qimyldar toqtatylǵany týraly hat joldady. Ol qazirgi bitim rejimine bailanysty áskeri operatsiialardy jalǵastyrý úshin zań shyǵarýshylardyń ruqsaty qajet emes ekenin málimdegen, dep habarlaidy Dalanews.kz.
Aq úi basshysy Ókilder palatasy men Senatqa joldaǵan hatynda 7 sáýirde eki aptalyq atysty toqtatý rejimin engizý týraly buiryq bergenin, keiin onyń merzimi uzartylǵanyn jazǵan. Onyń sózinshe, osy kúnnen beri AQSh pen Iran qarýly kúshteri arasynda atys bolmaǵan.
"28 aqpanda bastalǵan áskeri qimyldar toqtatyldy. Alaida Irannan keletin qaýip áli de joǵary deńgeide qalyp otyr", - dedi Tramp.
Sondai-aq, ol Kongress basshylyǵyn jaǵdaidyń ári qaraiǵy damý barysy týraly habardar etip otyratynyn jetkizdi.
1973 jylǵy áskeri ókilettikter týraly rezoliýtsiiaǵa sáikes áskeri qaqtyǵys 60 kúnnen assa, prezident Kongrestiń maquldaýyn alýy kerek. Degenmen Tramp jýrnalisterge mundai ruqsat suraýdy josparlamaitynyn aitty.
