اق ءۇي باسشىسى وكىلدەر پالاتاسى مەن سەناتقا جولداعان حاتىندا 7 ساۋىردە ەكى اپتالىق اتىستى توقتاتۋ رەجيمىن ەنگىزۋ تۋرالى بۇيرىق بەرگەنىن، كەيىن ونىڭ مەرزىمى ۇزارتىلعانىن جازعان. ونىڭ سوزىنشە، وسى كۇننەن بەرى اقش پەن يران قارۋلى كۇشتەرى اراسىندا اتىس بولماعان.

"28 اقپاندا باستالعان اسكەري قيمىلدار توقتاتىلدى. الايدا يراننان كەلەتىن ءقاۋىپ ءالى دە جوعارى دەڭگەيدە قالىپ وتىر"، - دەدى ترامپ.

سونداي-اق، ول كونگرەسس باسشىلىعىن جاعدايدىڭ ءارى قارايعى دامۋ بارىسى تۋرالى حاباردار ەتىپ وتىراتىنىن جەتكىزدى. 

1973 جىلعى اسكەري وكىلەتتىكتەر تۋرالى رەزوليۋسياعا سايكەس اسكەري قاقتىعىس 60 كۇننەن اسسا، پرەزيدەنت كونگرەستىڭ ماقۇلداۋىن الۋى كەرەك. دەگەنمەن ترامپ جۋرناليستەرگە مۇنداي رۇقسات سۇراۋدى جوسپارلامايتىنىن ايتتى.