Túrkistan oblysynda «tótenshe jaǵdaidyń aldyn alý boiynsha oqý-jattyǵý sharasy» ótti
Túrkistan oblysynda biylǵy jyly kóktemgi ýaqytta oryn alýy múmkin tótenshe jaǵdailarmen kúreske jalpy 83 tehnika, 466 jeke quram daiyn. Atalǵan tehnikalar oblys basshylyǵyna Otyrar aýdanynda ótken oqý-jattyǵý sharasynda kórsetildi. Shara barysynda mamandar 7 aýdannyń tehnikasynyń qazirgi jaǵdaiy, olardyń tehnikalyq qabileti týraly baiandap, halyqty evakýatsiialaý jumystary men maldardy kóshirý jumystaryn pysyqtady.
Budan bólek, sý tasqyny táýekeliniń aldyn alý boiynsha daiyndyq jumystary júrgizilip, veterinariialyq uiymdardyń tótenshe jaǵdaiǵa tolyq daiyndyǵy baiandaldy.
Syrdariia ózeniniń boiynda ornalasqan eldi mekender aýmaǵynda 32 014 bas iri qara mal, 196 349 bas usaq mal, 2 134 bas túie jáne 10 392 bas jylqy bar. Barlyq aýyldardaǵy aýyl sharýashylyǵy janýarlary sý alý qaýpi týyndaǵan jaǵdaida qumdaǵy 113,5 myń ga. jaiylymǵa kóshiriledi.
Atap óteiik, mundai keshendi oqý-jattyǵý jumystary óńirde alǵash ret ótip otyr. Oblys ákimdigi janynan qurylǵan Sitýatsiialyq ortalyq jáne TJD birlesip jasaǵan Antikrizistik kartada bolýy yqtimal 200-den asa tótenshe jaǵdai oqiǵasy sipattalǵan.
Oblys basshysynyń qatysýymen ótken jedel shtabta Ómirzaq Shókeev tótenshe jaǵdaiǵa daiyndyqty pysyqtap, antikrizistik kartanyń óńir úshin mańyzy zor ekenin atap ótti.
«Apat aityp kelmeidi», degenmen, biz Arys, Maqtaaral aýdanyndaǵy tehnogendik, Tólebi aýdanyndaǵy tabiǵi sý tasqyny kezindegi atqarylǵan jumystardan mol tájiribe jinadyq. Tótenshe jaǵdaidyń aldyn alý úshin Shtab qurylady. Shtab quramyna kiretin barlyq salalyq qyzmetter «Altyn saǵat» erejesine sáikes jumys júrgizýi qajet. Antikrizistik karta sheńberinde tótenshe jaǵdaimen kúres algoritmi bekitilgen. Barlyq aýdan, qala ákimderi algoritmmen jiti tanysyp, nusqaýlyq arqyly jumys isteýi qajet», degen óńir basshysy mundai keshendi oqý-jattyǵý jumystaryn endi ai saiyn ótkizýdi tapsyrdy.
Túrkistan oblysy ákiminiń baspasóz qyzmeti
