Vengriiada tegin oqýǵa 1000-nan astam ótinish qabyldanady
Stipendiialyq baǵdarlama sheńberinde Vengriia úkimeti qazaqstandyqtarǵa kelesi baǵdarlamalar boiynsha 250 grant usyndy: bakalavr dárejesi - 110, magistratýra - 90, doktorantýra - 20, bakalavriat jáne magistratýra – 5 jáne 6 jylǵa deiingi oqý merzimi boiynsha - 30 oryn. Grant kelesi shyǵyndardy qamtamasyz etedi: aqysyz oqý, ai saiynǵy stipendiia, jataqhanada turý jáne meditsinalyq saqtandyrý. Úkimetaralyq granttyń talaby - stipendiat shetelde oqýyn aiaqtaǵannan keiin Qazaqstanǵa oralýy jáne 3 jyl úzdiksiz eńbek qyzmetin júzege asyrýy qajet.
«Halyqaralyq baǵdarlamalar ortalyǵy» AQ úkimetaralyq granttardyń ákimshisi retinde ótinish berýshilerdiń qujattaryn qabyldady.
Konkýrsqa qujattar qabyldaý nátijeleri boiynsha 1093 ótinish qabyldandy. Onyń 670-i bakalavriatqa, 280-i magistratýraǵa, 94-i bakalavriat pen magistratýraǵa, 24-i til kýrstaryna qatysýǵa jáne 25-i doktorantýra baǵdarlamasy boiynsha oqýǵa túsýge berilgen ótinishter.
2021 jyldan bastap úmitkerlerdi irikteýdiń jańa júiesi engizildi. Quramynda keminde 5 músheden turatyn táýelsiz saraptama komissiiasymen onlain rejimde jeke suhbat júrgiziledi jáne bul suhbat aýdio-video jazbamen súiemeldenedi. Sarapshylar úmitkerlerdi úsh kriterii boiynsha baǵalaidy:
1) motivatsiia deńgeii, tańdaǵan mamandyǵyna senimdilik, oqýǵa degen talpynysyn dáleldeý;
2) oqýdaǵy jáne/nemese tańdaǵan mamandyǵy/kásibi salasyndaǵy teoriialyq (bazalyq) bilim deńgeii jáne jetistikteri
3) oilaý qabileti jáne oiyn erkin jetkizý múmkindigi, jeke qasietteri, ártúrli jaǵdaida máselelerdi sheshý daǵdylary.
Jeke suhbat, oqý jetistikterin baǵalaý jáne oqytý tilin bilý nátijeleri boiynsha qorytyndy komissiia músheleri Stipendium Hungaricum stipendiiasyn taǵaiyndaý týraly sheshim qabyldaidy.
Upailar teń bolǵan jaǵdaida, tómendegi jaǵdailar boiynsha artyqshylyq beriledi:
1) jetim balalar men ata-anasynyń qamqorlyǵynsyz qalǵan balalar;
2) meditsinalyq qorytyndy boiynsha oqýǵa kedergisi joq bala kezinen múgedekter jáne múgedek balalar;
3) kópbalaly otbasylardyń balalary;
4) qabyldaýshy eldiń ýniversitetterinen shaqyrý alǵan, sondai-aq qabyldaýshy eldiń ýniversitetterinde oqityn úmitkerler.
Bul format úmitkerlerdi konkýrstyq irikteýdiń sapasyn jaqsartýǵa ǵana emes, sonymen qatar tańdaý júiesin ashyq ári qoljetimdi etýge múmkindik beredi.
«Halyqaralyq baǵdarlamalar ortalyǵy» AQ Baspasóz qyzmeti
