Osylaisha aýyl turǵyndary arasynda 75,1% oń baǵa berse, jastar arasynda bul nátije odan da joǵary – 78,4%.
Elimizdiń qazirgi damýyna oń baǵa berý boiynsha Qyzylorda (81,8%), Soltústik Qazaqstan (79,0%), Abai (79,0%) jáne Batys Qazaqstan oblystary (78,0%) joǵary nátije kórsetken.
Prezident Toqaevtyń keńesshisi Erlan Qarinniń atap ótkenindei aldaǵy sailaýdyń alǵysharty 2022 jyldyń naýryz aiynda, iaǵni, Prezident óz Joldaýynda saiasi reformalardyń jan-jaqty baǵdarlamasyn usynǵanda qalanǵan.
Onyń pikirinshe bir jylǵa jetpeitin ýaqytta partiialar úshin shynaiy básekelestik orta qalyptasqan, azamattardyń Parlament pen máslihattarǵa ózin-ózi usynýyna jol ashylǵan.
Qarin muny kelesidei mysaldarmen dáleldeidi.
1) Parlament sailaýyna barlyq jeti saiasi partiia qatysyp jatyr. Onyń ekeýi partiia týraly zańnamaǵa ózgerister engennen keiin tirkeldi.
Sondyqtan partiialar arasyndaǵy básekelestik bul sailaý kampaniiasynyń negizgi elementi bolmaq.
2) Májilis depýtaty bolýǵa partiialyq tizim jáne bir mandatty okrýgter boiynsha barlyǵy 892 azamattyń kandidatýrasy usynyldy (ortasha eseppen 1 mandatqa 9 úmitkerden keledi)
"Sailaýǵa qoǵam qairatkerleri men azamattyq belsendilerdiń kóptep qatysyp jatqany (onyń ishinde, ádette bilikti synap júrgen azamattar da bar) olardyń júrgizilip jatqan reformalarǵa senimi men qoldaýyn bildiredi.
Elimizde sońǵy jyldary oryn alǵan barlyq ózgeristerdi, barlyq jańashyldyqtar men reformalardy jurtshylyqtyń qyzý qoldap otyrǵanyn halyq arasynda júrgizilgen áleýmettik zertteýler de kórsetip otyr", – deidi memlekettik keńesshi.
