Dialog alańynyń jumysyn bastaǵan Máýlen Áshimbaev elimizde Memleket basshysy Qasym-Jomart Kemeluly Toqaevtyń bastamasymen aýqymdy reformalar júrgizilip jatqanyn atap ótti. Sondai-aq ol Konstitýtsiiaǵa engizilgen ózgerister Ádiletti Qazaqstan qurý jolyndaǵy mańyzdy qadamdar bolǵanyn tilge tiek etti.
Senat Tóraǵasy zań shyǵarý salasyndaǵy jańashyldyqtarǵa da nazar aýdardy. Sonyń aiasynda búginde Senat óńirlerdiń múddesin qorǵaityn Palata retinde qalyptasyp jatqany belgili.
«Ádiletti Qazaqstan degenimiz – birinshi kezekte, barlyq salaǵa ádilettilik qaǵidatyn engizý. Osy baǵyttaǵy ortaq maqsattarǵa qol jetkizý úshin memlekettik institýttar men azamattyq qoǵamnyń kúshin biriktirip, ár iste ulttyq múdde turǵysynan saralap áreket etý asa mańyzdy. Búgingidei syndarly kezeńde ultty uiytatyn ortaq qundylyqtardy dáripteýdiń bereri mol dep esepteimiz», – dedi Máýlen Áshimbaev.
Óz sózinde Palata Spikeri negizgi jáne qazaqstandyqtardyń múddesi men búgingi suranystaryna sai keletin qundylyqtar jóninde aitty.
«Búgingi taqyryp týraly sóz qozǵaǵan kezde «bizdiń ortaq qundylyqtarymyz qandai» degen zańdy saýal týyndaidy. Bul turǵyda árkim ártúrli kózqaras ustanýy múmkin. Biraq negizgi qaǵidalar boiynsha bárimizdiń pikirimiz bir jerden shyǵady dep oilaimyn. Bizdiń qoǵamdy Táýelsizdik, ádilettilik, tatýlyq, bilim, eńbek jáne ózara jaýapkershilik siiaqty qundylyqtar biriktiredi», – dedi Máýlen Áshimbaev.
Sonymen qatar otyrys barysynda ortaq qundylyqtardy dáripteýdiń tetikteri týraly da sóz boldy. Qatysýshylar ulttyq múddege taban tireitin durys qundylyqtardy óskeleń urpaqqa, jastarǵa nasihattaý kezinde júieli jumys júrgizý jáne tiimdi jolyn tabý asa mańyzdy ekenin aitty. Odan bólek, mediasarapshylar men kreativti indýstriianyń ókilderi kontentterdiń jańa úlgisin jáne olardy taratýdyń zamanaýi tásilderin usyndy.
Máýlen Áshimbaev talqylaý barysynda aitylǵan usynystardyń bári Senatyń aldaǵy jumysynda eskeriletinin jetkizdi.
«Ádiletti Qazaqstan qurý bastamasy eldigimiz ben egemendigimiz úshin asa mańyzdy qadam. Ony iske asyrý tek memlekettiń ǵana mindeti emes. Bul – búkil ult bolyp jumylatyn mańyzdy mindet. Osy jolda ortaq qundylyqtardy qalyptastyryp, olardy dáripteýdiń utymdy, zamanaýi tetikteri men formalaryn tabýdyń máni zor. Bul baǵytta ziialy qaýym, ǵalymdar, memlekettik organdar, kreativti indýstriia men óner salasynda qyzmet etip júrgen azamattar, qoǵamdyq uiymdar birlesip, bárimiz birge nátijeli eńbek etemiz dep senemin», – degen Senat Tóraǵasy barsha qatysýshylarǵa belsendilik tanytqandary úshin alǵys bildirdi.
Aita keteiik, dialog alańynyń otyrysyna senatorlarmen birge memleket jáne qoǵam qairatkeri Darhan Myńbai, QR Ulttyq sport qaýymdastyǵynyń prezidenti Islambek Saljanov, «Bilim Media Group» kompaniiasynyń direktory Raýan Kenjehanuly, mediasarapshy Maqpal Jumabai, mýltiplikator, halyqaralyq kinfestivalderdiń laýreaty Saqiolla Qasiet jáne taǵy basqa sarapshylar qatysty.
