Qazaqstan Prezidenti Qasym-Jomart Toqaev Germaniia Prezidenti Frank-Valter Shtainmaierdiń shaqyrýymen Germaniiaǵa resmi saparmen bardy, dep habarlaidy dalanews.kz.
Sapar aiasynda Memleket basshysynyń Berlinde Germaniia Prezidenti Frank-Valter Shtainmaiermen jáne Federaldyq kantsler Fridrih Mertspen kelissózder júrgizýi josparlanǵan. Germaniia Úkimetiniń málimetinshe, Mertstiń Toqaevty 29 qyrkúiekte Kantsler keńsesinde qabyldaýy kózdelgen. Kezdesýde ekijaqty energetikalyq jáne shikizat seriktestigin damytý, óńirlik yntymaqtastyq jáne halyqaralyq qaýipsizdik máseleleri talqylanady.
Kezdesýler barysynda Qazaqstan men Germaniia arasyndaǵy strategiialyq seriktestikti odan ári nyǵaitý perspektivalary qaralady.
Sonymen qatar Qasym-Jomart Toqaev Miýnhen qalasyna barady. Onda Memleket basshysy Germaniianyń jetekshi kompaniialarynyń, qarjy jáne ǵylymi institýttarynyń basshylarymen, sondai-aq joǵary oqý oryndarynyń rektorlarymen kezdesýler ótkizedi.
Prezident Berlinde biznes-forýmǵa, al Miýnhende tehnologiialyq biznes-forýmǵa qatysady.
