Qazaqstanda 2029 jylǵa deiin astyqty tereń óńdeý baǵytynda alty iri joba iske asyrylady. Bul týraly Úkimet otyrysynda Aýyl sharýashylyǵy vitse-ministri Azat Sultanov málimdedi, dep habarlaidy dalanews.kz.
Vitse-ministrdiń aitýynsha, josparlanǵan jobalardyń jalpy qýaty 5,8 mln tonna astyqty óńdeýge múmkindik beredi. Atalǵan bastamalar aýyl sharýashylyǵy ónimderin qosylǵan quny joǵary taýarlarǵa ainaldyryp, eksport kólemin arttyrýǵa baǵyttalǵan.
Qazirdiń ózinde júgerini óńdeý boiynsha eki joba iske qosylǵan. Olar – Túrkistan oblysyndaǵy «Qazkrahmal» JShS men Jambyl oblysynda ornalasqan Fufeng Group kásiporny. Azat Sultanovtyń sózinshe, astyq óńdeý salasyndaǵy barlyq jobalarǵa tartylatyn investitsiia kólemi shamamen 4 mlrd dollar.
Sonymen qatar eldegi qant óndirisin damytý baǵytynda da jumystar jalǵasyp jatyr. Kóksý jáne Taraz qant zaýyttaryn jańǵyrtý jumystary aiaqtalǵan. Jańartylǵan kásiporyndardyń jalpy qýaty táýligine 3 myń tonnaǵa deiin shikizat óńdeýge jetedi.
Bul jobalarǵa 22,4 mlrd teńge investitsiia salynǵan. Kásiporyndar shikizat qabyldaýdy biylǵy qazan aiynda bastaidy dep josparlanyp otyr. Ministrlik ókilderiniń málimetinshe, mundai jobalar agroónerkásip keshenindegi óńdeý úlesin arttyryp, eksporttyq áleýetti kúsheitýge múmkindik beredi.
