Qazaqstanda uialy bailanys ustamaityn jerlerde smartfon arqyly bailanysqa shyǵýǵa múmkindik beretin Starlink Mobile qyzmeti iske qosyldy, dep habarlaidy dalanews.kz.
Jańa qyzmetti Beeline Qazaqstan Starlink kompaniiasymen birlesip iske qosty. Tehnologiia úshin arnaiy spýtnik telefon nemese qosymsha qurylǵy qajet emes. Smartfon tikelei spýtnikke qosylady.
Paidalanýshylar uialy bailanys joq jerde habarlama jiberip, ony qabyldai alady. Sondai-aq, keibir bazalyq internet qyzmetterin paidalanýǵa bolady. Bul múmkindik shalǵai eldi mekenderde, taýly aimaqtarda jáne jol boiynda bailanysta bolýǵa kómektesedi.
Qazir qyzmet Android júiesi jumys isteitin keibir smartfondarda qoljetimdi. Beeline Qazaqstan klientteri úshin promo-kezeńde qyzmet tegin usynylady.
Ony paidalaný úshin Janymda qosymshasyn sońǵy nusqasyna deiin jańartyp, Starlink qyzmetin qosý kerek. Sondai-aq, telefon baptaýlarynan derekter roýmingin iske qosý qajet. Uialy bailanys bolmaǵan jaǵdaida jelini qolmen Beeline Starlink nemese 401 04 dep tańdaýǵa bolady.
