قازاقستاندا ۇيالى بايلانىس ۇستامايتىن جەرلەردە سمارتفون ارقىلى بايلانىسقا شىعۋعا مٷمكٸندٸك بەرەتٸن Starlink Mobile قىزمەتٸ ٸسكە قوسىلدى, دەپ حابارلايدى dalanews.kz.
جاڭا قىزمەتتٸ Beeline قازاقستان Starlink كومپانيياسىمەن بٸرلەسٸپ ٸسكە قوستى. تەحنولوگييا ٷشٸن ارنايى سپۋتنيك تەلەفون نەمەسە قوسىمشا قۇرىلعى قاجەت ەمەس. سمارتفون تٸكەلەي سپۋتنيككە قوسىلادى.
پايدالانۋشىلار ۇيالى بايلانىس جوق جەردە حابارلاما جٸبەرٸپ, ونى قابىلداي الادى. سونداي-اق, كەيبٸر بازالىق ينتەرنەت قىزمەتتەرٸن پايدالانۋعا بولادى. بۇل مٷمكٸندٸك شالعاي ەلدٸ مەكەندەردە, تاۋلى ايماقتاردا جەنە جول بويىندا بايلانىستا بولۋعا كٶمەكتەسەدٸ.
قازٸر قىزمەت Android جٷيەسٸ جۇمىس ٸستەيتٸن كەيبٸر سمارتفونداردا قولجەتٸمدٸ. Beeline قازاقستان كليەنتتەرٸ ٷشٸن پرومو-كەزەڭدە قىزمەت تەگٸن ۇسىنىلادى.
ونى پايدالانۋ ٷشٸن Janymda قوسىمشاسىن سوڭعى نۇسقاسىنا دەيٸن جاڭارتىپ, Starlink قىزمەتٸن قوسۋ كەرەك. سونداي-اق, تەلەفون باپتاۋلارىنان دەرەكتەر روۋمينگٸن ٸسكە قوسۋ قاجەت. ۇيالى بايلانىس بولماعان جاعدايدا جەلٸنٸ قولمەن Beeline Starlink نەمەسە 401 04 دەپ تاڭداۋعا بولادى.
