2026 jyldyń ekinshi toqsanynda Qazaqstan Eýropalyq odaq elderine munai ónimderin jetkizýshi negizgi memleketterdiń qataryna kirip, ekinshi orynǵa kóterildi, dep habarlaidy dalanews.kz.
Eýroodaqtyń sońǵy derekterine sáikes, munai ónimderin jetkizý boiynsha kósh basynda AQSh tur. Onyń úlesi 18,5 paiyzdy quraǵan. Qazaqstan 13,4 paiyzdyq kórsetkishpen ekinshi orynǵa shyqsa, Norvegiia 12,4 paiyzben úshinshi orynǵa jaiǵasqan.
Al kómir jetkizý boiynsha Qazaqstan tórtinshi orynda tur. Eýroodaqqa kómir eksporttaityn elder arasynda Avstraliia birinshi orynda bolsa (29,7%), AQSh ekinshi (28,3%), Kolýmbiia úshinshi (14,9%) oryn alǵan. Qazaqstannyń úlesi 12,9 paiyzdy qurady.
Sarapshylardyń málimetinshe, 2026 jyldyń ekinshi toqsanynda Eýroodaqtyń munai ónimderin importtaýǵa jumsaǵan shyǵyny ótken jyldyń osy kezeńimen salystyrǵanda aitarlyqtai ósken. Import quny 39,3 paiyzǵa artqanymen, jetkizilgen ónim kólemi nebári 0,4 paiyzǵa ǵana kóbeigen.
Bul Eýroodaqtyń energiia resýrstaryn importtaýǵa jumsaǵan qarjysynyń ósýine negizinen álemdik naryqtaǵy baǵanyń qymbattaýy áser etkenin kórsetedi.
Aita keteiik, 2026 jyldyń birinshi toqsanynda Qazaqstan Eýroodaqqa munai jetkizý kólemi boiynsha úshinshi orynda bolǵan edi. Al ekinshi toqsan qorytyndysy boiynsha elimiz bir saty joǵarylap, ekinshi orynǵa kóterildi.
