2026 جىلدىڭ ەكٸنشٸ توقسانىندا قازاقستان ەۋروپالىق وداق ەلدەرٸنە مۇناي ٶنٸمدەرٸن جەتكٸزۋشٸ نەگٸزگٸ مەملەكەتتەردٸڭ قاتارىنا كٸرٸپ, ەكٸنشٸ ورىنعا كٶتەرٸلدٸ, دەپ حابارلايدى dalanews.kz.
ەۋرووداقتىڭ سوڭعى دەرەكتەرٸنە سەيكەس, مۇناي ٶنٸمدەرٸن جەتكٸزۋ بويىنشا كٶش باسىندا اقش تۇر. ونىڭ ٷلەسٸ 18,5 پايىزدى قۇراعان. قازاقستان 13,4 پايىزدىق كٶرسەتكٸشپەن ەكٸنشٸ ورىنعا شىقسا, نورۆەگييا 12,4 پايىزبەن ٷشٸنشٸ ورىنعا جايعاسقان.
ال كٶمٸر جەتكٸزۋ بويىنشا قازاقستان تٶرتٸنشٸ ورىندا تۇر. ەۋرووداققا كٶمٸر ەكسپورتتايتىن ەلدەر اراسىندا اۆسترالييا بٸرٸنشٸ ورىندا بولسا (29,7%), اقش ەكٸنشٸ (28,3%), كولۋمبييا ٷشٸنشٸ (14,9%) ورىن العان. قازاقستاننىڭ ٷلەسٸ 12,9 پايىزدى قۇرادى.
ساراپشىلاردىڭ مەلٸمەتٸنشە, 2026 جىلدىڭ ەكٸنشٸ توقسانىندا ەۋرووداقتىڭ مۇناي ٶنٸمدەرٸن يمپورتتاۋعا جۇمساعان شىعىنى ٶتكەن جىلدىڭ وسى كەزەڭٸمەن سالىستىرعاندا ايتارلىقتاي ٶسكەن. يمپورت قۇنى 39,3 پايىزعا ارتقانىمەن, جەتكٸزٸلگەن ٶنٸم كٶلەمٸ نەبەرٸ 0,4 پايىزعا عانا كٶبەيگەن.
بۇل ەۋرووداقتىڭ ەنەرگييا رەسۋرستارىن يمپورتتاۋعا جۇمساعان قارجىسىنىڭ ٶسۋٸنە نەگٸزٸنەن ەلەمدٸك نارىقتاعى باعانىڭ قىمباتتاۋى ەسەر ەتكەنٸن كٶرسەتەدٸ.
ايتا كەتەيٸك, 2026 جىلدىڭ بٸرٸنشٸ توقسانىندا قازاقستان ەۋرووداققا مۇناي جەتكٸزۋ كٶلەمٸ بويىنشا ٷشٸنشٸ ورىندا بولعان ەدٸ. ال ەكٸنشٸ توقسان قورىتىندىسى بويىنشا ەلٸمٸز بٸر ساتى جوعارىلاپ, ەكٸنشٸ ورىنعا كٶتەرٸلدٸ.
