Birinshi «Nauryz» Ulttyq telehikaialar báigesine ótinim qabyldaý bastaldy
Búginnen bastap nauryz-awards.kz saitynda «Nauryz» Ulttyq telehikaialar báigesine qatysýǵa ótinim qabyldaý bastaldy.
Ótinim berý 2023 jyldyń 15 naýryzyna deiin jalǵasady.
Báigege 2021 jylǵy 1 qańtar – 2022 jylǵy 31 jeltoqsan aralyǵynda qazaqstandyq telearnalardyń efirinde, YouTube jáne basqa da platformalarda kórsetilgen serialdar qatysa alady.
Konkýrstyq ótinimderdi respýblikalyq jáne aimaqtyq televiziialyq habar taratý kompaniialary, stýdiialar, prodiýserlik ortalyqtar jáne serialdardy óndiretin media indýstriianyń basqa da uiymdary bere alady.
Konkýrs 13 nominatsiia boiynsha ótedi:
1. Úzdik tarihi serial
2. Úzdik dramalyq serial
3. Úzdik komediialyq serial
4. Úzdik veb-serial
5. Úzdik akter
6. Úzdik aktrisa
7. Ekinshi plandaǵy úzdik akter
8. Ekinshi plandaǵy úzdik aktrisa
9. Úzdik rejisser
10. Úzdik stsenarist
11. Úzdik qoiýshy – operator
12. Úzdik montaj
13. Úzdik saýndtrek
Báigeniń negizgi maqsaty – serialdyq kontentti damytýdy qoldaý, otandyq jáne halyqaralyq onlain – platformalarda qazaqstandyq telehikaialardy kórermen arasynda tanymal etý.
Jeńimpaz esimder naýryz aiynda belgili bolyp, olarǵa NAURYZ arnaiy músinshesi jáne 1 million teńge kólemindegi syiaqy tabystalady.
