Memleket basshysy Qorǵanys mınıstri Dáýren Qosanovty qabyldady, dep habarlaıdy Dalanews.kz.
Prezıdent – Qazaqstan Respýblıkasy Qarýly Kúshteriniń Joǵarǵy Bas Qolbasshysy Qasym-Jomart Toqaevqa qorǵanys vedomstvosynyń 2025 jyldyń birinshi jartyjyldyǵynda atqarǵan qyzmeti týraly baıandaldy.
Memleket basshysyna armıanyń jaýyngerlik daıyndyǵy, kóktemgi ásker qataryna shaqyrý naýqanynyń nátıjeleri, áskerı-patrıottyq tárbıe júıesin jetildirý jáne áskerı qyzmetshilerdi áleýmettik turǵydan qamsyzdandyrý sharalary jóninde málimet berildi.
Dáýren Qosanov Prezıdent tapsyrmalarynyń oryndalý barysyn jetkizdi. Atap aıtqanda, Memleket basshysyna áskerdiń utqyrlyq deńgeıin arttyrý, áýe shabýylyna qarsy qorǵanysty kúsheıtý, aýmaqtyq ásker men ushqyshsyz ushatyn apparattar bólimshesin, áskerı ınfraqurylymdy damytý, sondaı-aq qorǵanys salasyndaǵy memlekettik tapsyrysty ornalastyrý máseleleri jóninde aqparat usynyldy.
Qasym-Jomart Toqaev mınıstrge Qarýly kúshterdiń áskerı áleýetin odan ári arttyrý jóninde birqatar mindet júktedi. Sonymen qatar Memleket basshysy áskerı qyzmettiń qaýipsizdigin qamtamasyz etýge, áskerı qyzmetshilerdiń jaraqat alý jáne jazym bolý oqıǵalarynyń aldyn alýǵa baǵyttalǵan keshendi sharalar qabyldaýdyń mańyzdylyǵyna nazar aýdardy.
