Politsiia qyzmetkerleri azamattardan aqsha bopsalaýmen ainalysqan toptyń qylmystyq áreketin toqtatty, – dep habarlaidy Dalanews.kz.
Qylmystyq toptyń quramynda eki qyz jáne úsh jigit bolǵan. Politsiiaǵa aryzdanǵan jábirlenýshiniń aitýynsha, top músheleri ony uryp-soǵyp, 800 myń teńge qarajatyn alǵan. Jedel sharalar barysynda kúdiktiler aldyn ala josparlanǵan shema boiynsha áreket etkeni belgili boldy. Qyzdar áleýmettik jeli arqyly er adamdarmen tanysyp, senimine kirip, jaldamaly páterlerge kezdesýge shaqyrǵan.
Kezdesý barysynda páterge olardyń sybailastary basa-kóktep kirip, ózderin qyzdardyń týystary, aǵalary nemese quqyq qorǵaý organdarynyń qyzmetkerleri retinde tanystyrǵan. “Máseleni sheshý” syltaýymen olar jábirlenýshilerdi uryp-soǵyp, aqsha talap etken. Atalǵan jaittar boiynsha qylmystyq ister qozǵaldy.
Barlyq kúdikti ustalyp, qamaýǵa alyndy. Ustalǵandardyń uialy telefondaryń tekserý kezinde osyǵan uqsas ózge de qylmystardyń derekteri anyqtaldy. Qazirgi ýaqytta basqa da jábirlenýshilerdi anyqtaý jáne barlyq zańsyz áreketti qujattaý jumystary jalǵasyp jatyr.
