پوليتسييا قىزمەتكەرلەرٸ ازاماتتاردان اقشا بوپسالاۋمەن اينالىسقان توپتىڭ قىلمىستىق ەرەكەتٸن توقتاتتى, – دەپ حابارلايدى Dalanews.kz.
قىلمىستىق توپتىڭ قۇرامىندا ەكٸ قىز جەنە ٷش جٸگٸت بولعان. پوليتسيياعا ارىزدانعان جەبٸرلەنۋشٸنٸڭ ايتۋىنشا, توپ مٷشەلەرٸ ونى ۇرىپ-سوعىپ, 800 مىڭ تەڭگە قاراجاتىن العان. جەدەل شارالار بارىسىندا كٷدٸكتٸلەر الدىن الا جوسپارلانعان سحەما بويىنشا ەرەكەت ەتكەنٸ بەلگٸلٸ بولدى. قىزدار ەلەۋمەتتٸك جەلٸ ارقىلى ەر ادامدارمەن تانىسىپ, سەنٸمٸنە كٸرٸپ, جالدامالى پەتەرلەرگە كەزدەسۋگە شاقىرعان.
كەزدەسۋ بارىسىندا پەتەرگە ولاردىڭ سىبايلاستارى باسا-كٶكتەپ كٸرٸپ, ٶزدەرٸن قىزداردىڭ تۋىستارى, اعالارى نەمەسە قۇقىق قورعاۋ ورگاندارىنىڭ قىزمەتكەرلەرٸ رەتٸندە تانىستىرعان. “مەسەلەنٸ شەشۋ” سىلتاۋىمەن ولار جەبٸرلەنۋشٸلەردٸ ۇرىپ-سوعىپ, اقشا تالاپ ەتكەن. اتالعان جايتتار بويىنشا قىلمىستىق ٸستەر قوزعالدى.
بارلىق كٷدٸكتٸ ۇستالىپ, قاماۋعا الىندى. ۇستالعانداردىڭ ۇيالى تەلەفوندارىڭ تەكسەرۋ كەزٸندە وسىعان ۇقساس ٶزگە دە قىلمىستاردىڭ دەرەكتەرٸ انىقتالدى. قازٸرگٸ ۋاقىتتا باسقا دا جەبٸرلەنۋشٸلەردٸ انىقتاۋ جەنە بارلىق زاڭسىز ەرەكەتتٸ قۇجاتتاۋ جۇمىستارى جالعاسىپ جاتىر.
