Kólik qyzmetkerleri kúni qarsańynda Premer-ministr Oljas Bektenov sala mamandary men ardagerlerin Memleket basshysy Qasym-Jomart Toqaevtyń atynan kásibi merekelerimen quttyqtap, memlekettik nagradalar tabys etti.
Premer-ministr óz sózinde kólik-logistika sektorynyń el ekonomikasyn damytýdaǵy basty rólin atap ótti.
– Memleket basshysy Qasym-Jomart Kemeluly Toqaev bizdiń aldymyzǵa kólik sektorynyń áleýetin arttyryp, Qazaqstandy senimdi tranzittik hab retinde damytý mindetin qoidy. Bul oraida, jolaýshylar men júk tasymalyn qaýipsiz ári úzdiksiz qamtamasyz etip otyrǵan kólik qyzmetkerleriniń qajyrly eńbegi qashanda mańyzdy. Otandyq kólik salasy biylǵy 6 aidyń qorytyndysy boiynsha 22,7% deńgeiinde qarqyndy ósim kórsetti. Munyń barlyǵynda ózderińiz siiaqty sala mamandary men ardagerleriniń mańdai teri, adal eńbegi jatyr, – dep atap ótti Oljas Bektenov.
Prezidenttiń tapsyrmasy boiynsha júzege asyp jatqan infraqurylymdy jańǵyrtý, tsifrlandyrý jáne Qazaqstannyń tranzittik áleýetin arttyrý boiynsha aýqymdy sharalar atap ótildi. Qazirgi ýaqytta 13 myń shaqyrym avtojol jóndelýde, 1,3 myń shaqyrymnan astam jańa temirjol jelileri, zamanaýi logistikalyq habtar men áýejailar salynýda. 2029 jylǵa qarai el aýmaǵy arqyly ótetin tranzittik júkterdiń kólemin 100 mln tonnaǵa deiin arttyrý josparlanýda.
Transkaspii halyqaralyq kólik dálizin qosa alǵanda, mýltimodaldy marshrýttardy damytýǵa erekshe nazar aýdarylýda – bul jobany júzege asyrý úshin Aqtaý jáne Quryq porttary jańǵyrtylýda. Sondai-aq Prezidenttiń tapsyrmasy boiynsha biyl naýryz aiynda Ulttyq quryltai otyrysynda Astana – Arqalyq – Torǵai – Yrǵyz baǵyty boiynsha THKB-ǵa shyǵatyn «Ortalyq – Batys» magistraliniń qurylysy bastaldy, bul eldiń ortalyq jáne batys óńirleri arasyndaǵy marshrýtty 560 shaqyrymǵa qysqartýǵa múmkindik beredi.
Sonymen qatar aviatsiia salasynyń damýy da atap ótildi. Elimizdiń túgeldei derlik áýejaiynda «áýe erkindiginiń» besinshi dárejesi bar. Týrizmdi damytý maqsatynda Katonqaraǵai, Zaisan jáne Kendirli kýrorttyq aimaqtarynda jańa áýejailar salynýda. Almaty, Qyzylorda jáne Shymkent qalalarynda jańa jolaýshylar terminaldary ashyldy. Arqalyq áýejaiyn qalpyna keltirý jumystary júrgizilýde.
Premer-ministr Qazaqstannyń kólik salasy tutastai alǵanda jańa tsifrlyq sheshimderdi, onyń ishinde basqarýdyń avtomattandyrylǵan júielerin, tsifrlyq dispetcherlendirýdi engizý nátijesinde barǵan saiyn tehnologiialyq jáne klientke baǵdarlanǵan sipatqa ie bop kele jatqanan atap ótti.
Oljas Bektenov Prezident atynan eńbegimen kózge túsken qyzmetkerlerge kólik salasyn damytýǵa qosqan úlesi úshin memlekettik nagradalar men qurmetti ataqtar tabys etti.
– Biyl Jumysshy mamandyqtary jyly aiasynda memlekettik marapattar júiesine alǵash ret “Qazaqstannyń kólik salasynyń eńbek sińirgen qairatkeri” degen qurmetti ataǵy engizildi. Muny Memleket basshysynyń jáne búkil Qazaq eliniń ózderińiz siiaqty naǵyz eńbek adamdaryna degen shynaiy qurmeti dep qabyldańyzdar. Búgin elimizdiń basqa da óńirlerinde kólik salasynyń óndiris ozattary men eńbek ardagerlerin ulyqtaý rásimi ótip jatyr. Respýblika boiynsha 200-ge jýyq adamǵa memlekettik nagradalar men qurmetti ataqtar tabystalady. Bul – el igiligi jolynda eseli eńbek etip jatqan otandyq kólik salasy qyzmetkerlerin qoldaýdyń aiqyn kórinisi, – dep atap ótti Oljas Bektenov.
Marapattalǵandar atynan Qanat Shaimin men Ánýarbek Shulǵaýov sóz sóiledi. Kólik salasynyń qyzmetkerleri Prezidentke rizashylyqtaryn bildirip, olardyń eńbegine berilgen joǵary baǵa Qazaqstan igiligi úshin ári qarai da adal jumys isteýge yntalandyratynyn atap ótti.
«Memleket basshysyna bizdiń eńbegimizdi moiyndaǵany jáne qurmet kórsetkeni úshin shyn júrekten alǵys aitamyz. El igiligi úshin qajymai eńbek etý – bizdiń azamattyq boryshymyz.
Bul marapat – biz úshin úlken qýanysh. Odan ári de adal qyzmet etýge jańasha jiger men shabyt beredi. Eńbegimiz halyq igiligine jarasyn», — dedi «Qazaqstan temir joly» UK» AQ «Býrabai kýrorty rels dánekerleý kásiporny» filialynyń direktory Ánýarbek Shulǵaýov.
«Parasat» ordenimen
Aidar Bekov – «Jańa-Arqa – 2006» JShS direktory
Aǵabek Áidenov – «Halyqaralyq Almaty áýejaiy» AQ santehnikalyq júieleriniń injeneri
«Qazaqstannyń kólik salasynyń eńbek sińirgen qairatkeri» qurmetti ataǵymen
Qanat Shaimin – «QazAvtoJolservis» JShS bas direktorynyń keńesshisi
«Qurmet» ordenimen
Talǵat Lastaev – QR kólik vitse-ministri
Gúlnár Bólekbaeva – «Qazaqstan temir joly» UK» AQ «Magistraldyq jeli direktsiiasy» filialy Jol jáne qurylystar departamentiniń bas menedjeri
Nurdáýlet Baiǵaziev – «QTJ-Júk tasymaly» JShS «Shymkent júk tasymaly bólimshesi» filialynyń direktory
Aidar Orjanov – «Qazaqteńizkólikfloty» ulttyq teńiz keme qatynasy kompaniiasynyń» JShS bas direktory
Násipbai Smaǵulov – «ABI-Astana» JShS direktory
Oleg Chekanov – «SCAT» áýekompaniiasy» Shymkent qalasyndaǵy áýe kemelerine tehnikalyq qyzmet kórsetý jelilik stansasynyń bastyǵy
Nurbol Abyzbaev – «QazAvtoJolservis» JShS Túrkistan oblystyq filialynyń direktory
Talǵat Bekbergenov – «QazAvtoJolservis» JShS Qaraǵandy oblystyq filialynyń Qarqaraly qalasy №72 jol paidalaný beketiniń jol jumysshysy
«Eren eńbegi úshin» medalimen
Evgenii Alshanskii – «Qazaqstan temir joly» UK» AQ «Pavlodar magistraldyq jeli bólimshesi» filialy Pavlodar signalizatsiia jáne bailanys distantsiiasynyń elektromehanigi
Arǵynqazy Seiitjan – «QTJ-Júk tasymaly» JShS «Qaraǵandy júk tasymaly bólimshesi» filialynyń Qaraǵandy paidalaný lokomotiv deposynyń júk qozǵalysynyń elektrovoz mashinisi
Muhtar Ydyrysov – «QTJ-Júk tasymaly» JShS «Almaty júk tasymaly bólimshesi» filialynyń Aqtoǵai lokomotiv paidalaný deposynyń teplovoz mashinisi
Ainur Salmenova – «Kaspii Avto Park» JShS bas dispetcheri
Iýrii Olenev – «FlyArystan» AQ-nyń Qaraǵandy qalasyndaǵy áýejaida qyzmet kórsetý jónindegi menedjeri
Vasilii Ýstimenko – «Óskemen áýejaiy» AQ Jedel meditsinalyq kómekke, áýeailaqqa qyzmet kórsetý jáne sharýashylyqpen qamtý jónindegi keshendi kolonnasynyń traktorly tehnika mashinisi
Aleksandr Ershov – «Air Astana» AQ-nyń Áýe kemelerine jedel tehnikalyq qyzmet kórsetý jónindegi aǵa injeneri (Almaty qalasy)
Igor Karlin – «Halyqaralyq Almaty áýejaiy» AQ jylytý, jeldetý jáne aýany baptaý júiesiniń jetekshi injeneri
Jumabai Qultanov – avtojol salasynyń ardageri, «QazAvtoJolservis» JShS Qyzylorda oblystyq filialynyń №51 jol paidalaný beketiniń jol jumysshysy
Janat Júsipov – «QazAvtoJolservis» JShS Kókshetaý qalasy fililalynyń №5 jol-paidalaný ýchaskesiniń basshysy
Erjan Baijan – «QazAvtoJolservis» JShS Qaraǵandy oblystyq filialynyń Aqsý-Aiýly kentindegi №77 jol-paidalaný ýchaskesiniń tańbalaý avtokóliginiń operatory
Ánýarbek Shulǵaýov – «Qazaqstan temir joly» UK» AQ «Býrabai kýrorty rels dánekerleý kásiporny» filialynyń direktory
Asqar Shokýlbaev – «Qazaqstan temir joly» UK» AQ «Temir jol kóligi personalyn baǵalaý jáne damytý ortalyǵynyń» óndiristik oqytý sheberi
Iýrii Kashkarov – «Qazaqstan temir joly» UK» AQ «Jol diagnostikalyq ortalyǵy» Astana filialynyń №70156 (118) mobildi-diagnostikalyq kesheniniń qadaǵalaý-ólsheý vagondarynyń baptaýshysy.
