Astanada tabıǵı monopolıalar sýbektisi – "Qazaqtelekom" AQ-nyń tutynýshylar aldyndaǵy esebi boıynsha qoǵamdyq tyńdaý ótti. Jıyn onlaın rejımde Zoom platformasy arqyly uıymdastyryldy, dep habarlaıdy Dalanews.kz.
"Qazaqtelekom" AQ tabıǵı monopolıa sýbektisi retinde 2025 jyldyń birinshi jartyjyldyǵynda retteletin telekomýnıkasıa qyzmetterin kórsetý boıynsha atqarǵan jumysy jaıly baıandama jasady. Esep berý jıyny Qazaqstan Respýblıkasy Sıfrlyq damý, ınovasıalar jáne aeroǵarysh ónerkásibi mınıstriniń mindetin atqarýshynyń 2019 jylǵy 29 shildedegi №180/NQ buıryǵyna sáıkes uıymdastyryldy.
Kompanıa atynan negizgi qarjylyq kórsetkishter, ınvestısıalyq baǵdarlamalardyń iske asýy, tutynýshylarmen jumysty uıymdastyrý, tarıftik smetanyń oryndalýy jáne aldaǵy josparlar týraly Korporatıvtik bıznes dıvızıony baılanys operatorlarymen kelisim departamentiniń dırektory G.E.Orefkov baıandama jasady.
Onyń aıtýynsha, qazirgi ýaqytta "Qazaqtelekom" AQ tarapynan usynylatyn retteletin qyzmet túrine kabeldik kárizdi múliktik jalǵa berý nemese paıdalanýǵa usyný kiredi. Bul qyzmet Memlekettik tabıǵı monopolıa sýbektileriniń tizilimine engizilgen.
Jıyn barysynda kompanıanyń jartyjyldyq jumysyna baılanysty qatysýshylar tarapynan túrli suraqtar qoıylyp, olardyń árqaısysyna tolyqqandy jaýaptar berildi. Sondaı-aq, esep barysynda aldaǵy kezeńge josparlanǵan ınvestısıalyq jobalar men mindetter de egjeı-tegjeıli tanystyryldy.
