Resei tarapynan benzin eksportyna engizilgen kezekti shekteýdiń Qazaqstanǵa eshqandai áseri joq. Bul týraly Úkimette ótken baspasóz máslihatynda Energetika ministri Erlan Aqkenjenov málimdedi, dep habarlaidy Dalanews.kz.
Ministrdiń aitýynsha, Resei Federatsiiasy benzinniń AI-92 jáne AI-95 markalarynyń eksportyna shekteýdi sońǵy úsh jyl qatarynan engizip keledi. Biraq, bul shekteýler úkimetaralyq kelisimderge sáikes indikativtik balanstar aiasynda ózara mindettemeler alǵan elderge júrmeidi. Qazaqstan osyndai kelisimge qol qoiǵan memleketterdiń qatarynda. Atalǵan kelisim aiasynda elimiz úshin Reseiden 285 myń tonna benzin eksporttaý múmkindigi qarastyrylǵan.
"Bizdiń ishki naryqtaǵy jaǵdai turaqty. Qazaqstan benzinmen ózin tolyq qamtamasyz etip otyr. Biyl alǵash ret tarihymyzda 70 myń tonnadan astam benzindi eksporttadyq. Bul – elimizdegi benzin óndirisi men onyń tasymalynda eshqandai irkilis joq ekeniniń naqty dáleli, – dedi Erlan Aqkenjenov.
Ministr elimizde benzin tapshylyǵy baiqalmaitynyn, degenmen munai ónimderin zańsyz eksporttaýǵa qarsy baqylaýdy kúsheite túsý qajettigin de basa atap ótti.
