رەسەي تاراپىنان بەنزين ەكسپورتىنا ەنگٸزٸلگەن كەزەكتٸ شەكتەۋدٸڭ قازاقستانعا ەشقانداي ەسەرٸ جوق. بۇل تۋرالى ٷكٸمەتتە ٶتكەن باسپاسٶز مەسليحاتىندا ەنەرگەتيكا مينيسترٸ ەرلان اقكەنجەنوۆ مەلٸمدەدٸ, دەپ حابارلايدى Dalanews.kz.
مينيستردٸڭ ايتۋىنشا, رەسەي فەدەراتسيياسى بەنزيننٸڭ اي-92 جەنە اي-95 ماركالارىنىڭ ەكسپورتىنا شەكتەۋدٸ سوڭعى ٷش جىل قاتارىنان ەنگٸزٸپ كەلەدٸ. بٸراق, بۇل شەكتەۋلەر ٷكٸمەتارالىق كەلٸسٸمدەرگە سەيكەس ينديكاتيۆتٸك بالانستار اياسىندا ٶزارا مٸندەتتەمەلەر العان ەلدەرگە جٷرمەيدٸ. قازاقستان وسىنداي كەلٸسٸمگە قول قويعان مەملەكەتتەردٸڭ قاتارىندا. اتالعان كەلٸسٸم اياسىندا ەلٸمٸز ٷشٸن رەسەيدەن 285 مىڭ توننا بەنزين ەكسپورتتاۋ مٷمكٸندٸگٸ قاراستىرىلعان.
"بٸزدٸڭ ٸشكٸ نارىقتاعى جاعداي تۇراقتى. قازاقستان بەنزينمەن ٶزٸن تولىق قامتاماسىز ەتٸپ وتىر. بيىل العاش رەت تاريحىمىزدا 70 مىڭ توننادان استام بەنزيندٸ ەكسپورتتادىق. بۇل – ەلٸمٸزدەگٸ بەنزين ٶندٸرٸسٸ مەن ونىڭ تاسىمالىندا ەشقانداي ٸركٸلٸس جوق ەكەنٸنٸڭ ناقتى دەلەلٸ, – دەدٸ ەرلان اقكەنجەنوۆ.
مينيستر ەلٸمٸزدە بەنزين تاپشىلىعى بايقالمايتىنىن, دەگەنمەن مۇناي ٶنٸمدەرٸن زاڭسىز ەكسپورتتاۋعا قارسى باقىلاۋدى كٷشەيتە تٷسۋ قاجەتتٸگٸن دە باسا اتاپ ٶتتٸ.
