جەزقازعاندا مەتاللۋرگ كٷنٸنە ارنالعان سالتاناتتى جيىن ٶتتٸ. جوعارى كەسٸبي شەبەرلٸگٸ, كٶپجىلدىق ادال ەڭبەگٸ جەنە وتاندىق مەتاللۋرگييا سالاسىنىڭ دامۋىنا قوسقان ەلەۋلٸ ٷلەسٸ ٷشٸن «قازاقمىس» توبىنىڭ 70-تەن استام جۇمىسكەرٸ مەملەكەتتٸك, ۆەدومستۆولىق جەنە كورپوراتيۆتٸك ناگرادالارمەن ماراپاتتالدى, دەپ حابارلايدى dalanews.kz.
مەتاللۋرگتەردٸ كەسٸبي مەرەكەسٸمەن قۇتتىقتاعان ۇلىتاۋ وبلىسىنىڭ ەكٸمٸ ەسەت بايكەن ٶڭٸر ٷشٸن مەتاللۋرگييا سالاسىنىڭ ماڭىزى ەرەكشە ەكەنٸن اتاپ ٶتتٸ. ونىڭ ايتۋىنشا, بۇل سالا وبلىس ەكونوميكاسىنىڭ باستى قوزعاۋشى كٷشٸ ەرٸ نەگٸزگٸ درايۆەرٸ بولىپ تابىلادى.
«ۇلىتاۋ – قازاق مەملەكەتتٸگٸنٸڭ التىن بەسٸگٸ, ۇلتتىڭ ۇياسى, كيەلٸ مەكەن. ٶڭٸر ٷشٸن مەتاللۋرگييا سالاسىنىڭ ورنى ەرەكشە. كەن بالقىتۋ ٸسٸ - ەكونوميكانىڭ نەگٸزگٸ قوزعاۋشى كٷشٸ, درايۆەرٸ. ەلٸمٸز ٷشٸن مەتاللۋرگييا سالاسىنىڭ ورنى ەرەكشە. وبلىسىمىز ٷشٸن بٷگٸنگٸ كٷننٸڭ ورنى بٶلەك. سەبەبٸ جەزقازعاندا, وسى سالادا, كەن ٶندٸرۋ ٸسٸندە 5 مىڭنان استام قىزمەتكەر جۇمىس ٸستەيدٸ. ياعني وسىنشاما ازامات ٶمٸرٸنٸڭ ماعىنالى سەتتەرٸن ماڭىزدى ٸسكە ارناپ كەلەدٸ. بارشاڭىزدى بٷگٸنگٸ كەسٸبي مەرەكەلەرٸڭٸز – مەتاللۋرگتەر كٷنٸمەن شىن جٷرەكتەن قۇتتىقتايمىن!»,- دەپ وبلىس باسشىسى جىلى لەبٸزٸن بٸلدٸردٸ.
«قازاقمىس كورپوراتسيياسى» جشس باقىلاۋ كەڭەسٸنٸڭ تٶراعاسى نۇرمۇحامبەت ەبدٸبەكوۆ كومپانييانىڭ تەك ٶندٸرٸسكە عانا ەمەس, سونىمەن قاتار ٶزٸنە قاتىسى بار ٶڭٸرلەردٸ دامىتۋعا دا جٷيەلٸ تٷردە ينۆەستيتسييا سالىپ كەلە جاتقانىن اتاپ ٶتتٸ.
«بٷگٸندە بٸز زاماناۋي قوعامدىق كەڭٸستٸكتەردٸ, بٸلٸم بەرۋ, مەدەني جەنە ەلەۋمەتتٸك نىسانداردى سالىپ, بٷگٸنگٸ جەنە بولاشاق ۇرپاقتىڭ ٶمٸر سٷرۋٸنە قولايلى جاعداي جاساپ كەلەمٸز», – دەپ اتاپ ٶتتٸ نۇرمۇحامبەت ەبدٸبەكوۆ.
«قازاقمىس» كورپوراتسيياسى» جشس باسقارما تٶراعاسى رۋسلان ٶسكەنەلٸ كومپانييانىڭ باستى بايلىعى – ادام ەكەنٸن اتاپ ٶتتٸ. ونىڭ ايتۋىنشا, ەڭبەكقور ەرٸ ٶز ٸسٸنە ادال جانداردىڭ ارقاسىندا كەسٸپورىن سالاداعى كٶشباسشىلىق ورنىن ساقتاپ كەلەدٸ. سونىمەن قاتار ول «قازاقمىس» كومپانييالار توبىنىڭ قۇرىلتايشىسى نۇرلان ارتىقباەۆتىڭ كەسٸبي مەرەكەگە ارنالعان قۇتتىقتاۋىن جەتكٸزدٸ.
«العاشقى كٷننەن باستاپ مەنٸڭ جەنە كوماندامنىڭ باستى ۇستانىمى – سٶزدەن گٶرٸ ٸسكە باسىمدىق بەرۋ, ناقتى نەتيجەگە قول جەتكٸزۋ. بيىلعى كٷزدٸڭ ٶزٸندە العاشقى ەلەۋمەتتٸك جوبالاردىڭ جٷزەگە اسقانىن كٶرەسٸزدەر. الداعى ۋاقىتتا دا «قازاقمىستا» ەڭبەك ەتۋدٸ بارىنشا جايلى, قاۋٸپسٸز ەرٸ بەدەلدٸ ەتۋ ٷشٸن قولدان كەلگەننٸڭ بەرٸن جاسايمىز», – دەدٸ رۋسلان ٶسكەنەلٸ.
سونىمەن قاتار, «Kazakhmys Smelting (قازاقمىس سمەلتينگ)» جشس باس ديرەكتورى جەنٸبەك بايعابەلوۆ تا قۇتتىقتاۋ سٶزٸندە مەتاللۋرگتەرگە ادال ەڭبەگٸ ٷشٸن العىس بٸلدٸردٸ. ول ەڭبەككەرلەردٸڭ كەسٸبيلٸگٸ مەن قاجىرلى ەڭبەگٸنٸڭ ارقاسىندا كومپانييا تٷستٸ مەتاللۋرگييا سالاسىنداعى كٶشباسشىلىق ورنىن ساقتاپ, كاتودتى مىستىڭ حالىقارالىق 99,99% تازالىق ستاندارتىن تۇراقتى تٷردە قامتاماسىز ەتٸپ وتىرعانىن اتاپ ٶتتٸ.
مەتاللۋرگ كٷنٸ دەستٷرلٸ تٷردە جەزقازعان قالاسى مەن ۇلىتاۋ وبلىسى ٷشٸن ەڭ ماڭىزدى كەسٸبي مەرەكەلەردٸڭ بٸرٸ بولىپ قالا بەرەدٸ. بٷگٸندە «قازاقمىس» كومپانييالار توبى مەتاللۋرگييالىق كەسٸپورىنداردى جاڭعىرتۋ, ٶندٸرٸستٸك قاۋٸپسٸزدٸك دەڭگەيٸن ارتتىرۋ, زاماناۋي تەحنولوگييالاردى ەنگٸزۋ جەنە ٶڭٸرلەردٸڭ دامۋىنا باعىتتالعان ەلەۋمەتتٸك جوبالاردى جٷيەلٸ تٷردە جٷزەگە اسىرۋ جۇمىستارىن جالعاستىرىپ كەلەدٸ.
