Jezqazǵanda Metallýrg kúnine arnalǵan saltanatty jiyn ótti. Joǵary kásibi sheberligi, kópjyldyq adal eńbegi jáne otandyq metallýrgiia salasynyń damýyna qosqan eleýli úlesi úshin «Qazaqmys» Tobynyń 70-ten astam jumyskeri memlekettik, vedomstvolyq jáne korporativtik nagradalarmen marapattaldy, dep habarlaidy dalanews.kz.
Metallýrgterdi kásibi merekesimen quttyqtaǵan Ulytaý oblysynyń ákimi Eset Baiken óńir úshin metallýrgiia salasynyń mańyzy erekshe ekenin atap ótti. Onyń aitýynsha, bul sala oblys ekonomikasynyń basty qozǵaýshy kúshi ári negizgi draiveri bolyp tabylady.
«Ulytaý – qazaq memlekettiginiń altyn besigi, ulttyń uiasy, kieli meken. Óńir úshin metallýrgiia salasynyń orny erekshe. Ken balqytý isi - ekonomikanyń negizgi qozǵaýshy kúshi, draiveri. Elimiz úshin metallýrgiia salasynyń orny erekshe. Oblysymyz úshin búgingi kúnniń orny bólek. Sebebi Jezqazǵanda, osy salada, ken óndirý isinde 5 myńnan astam qyzmetker jumys isteidi. Iaǵni osynshama azamat ómiriniń maǵynaly sátterin mańyzdy iske arnap keledi. Barshańyzdy búgingi kásibi merekelerińiz – Metallýrgter kúnimen shyn júrekten quttyqtaimyn!»,- dep oblys basshysy jyly lebizin bildirdi.
«Qazaqmys korporatsiiasy» JShS Baqylaý keńesiniń tóraǵasy Nurmuhambet Ábdibekov kompaniianyń tek óndiriske ǵana emes, sonymen qatar ózine qatysy bar óńirlerdi damytýǵa da júieli túrde investitsiia salyp kele jatqanyn atap ótti.
«Búginde biz zamanaýi qoǵamdyq keńistikterdi, bilim berý, mádeni jáne áleýmettik nysandardy salyp, búgingi jáne bolashaq urpaqtyń ómir súrýine qolaily jaǵdai jasap kelemiz», – dep atap ótti Nurmuhambet Ábdibekov.
«Qazaqmys» korporatsiiasy» JShS Basqarma tóraǵasy Rýslan Óskenáli kompaniianyń basty bailyǵy – adam ekenin atap ótti. Onyń aitýynsha, eńbekqor ári óz isine adal jandardyń arqasynda kásiporyn saladaǵy kóshbasshylyq ornyn saqtap keledi. Sonymen qatar ol «Qazaqmys» kompaniialar tobynyń quryltaishysy Nurlan Artyqbaevtyń kásibi merekege arnalǵan quttyqtaýyn jetkizdi.
«Alǵashqy kúnnen bastap meniń jáne komandamnyń basty ustanymy – sózden góri iske basymdyq berý, naqty nátijege qol jetkizý. Biylǵy kúzdiń ózinde alǵashqy áleýmettik jobalardyń júzege asqanyn kóresizder. Aldaǵy ýaqytta da «Qazaqmysta» eńbek etýdi barynsha jaily, qaýipsiz ári bedeldi etý úshin qoldan kelgenniń bárin jasaimyz», – dedi Rýslan Óskenáli.
Sonymen qatar, «Kazakhmys Smelting (Qazaqmys Smelting)» JShS Bas direktory Jánibek Baiǵabelov ta quttyqtaý sózinde metallýrgterge adal eńbegi úshin alǵys bildirdi. Ol eńbekkerlerdiń kásibiligi men qajyrly eńbeginiń arqasynda kompaniia tústi metallýrgiia salasyndaǵy kóshbasshylyq ornyn saqtap, katodty mystyń halyqaralyq 99,99% tazalyq standartyn turaqty túrde qamtamasyz etip otyrǵanyn atap ótti.
Metallýrg kúni dástúrli túrde Jezqazǵan qalasy men Ulytaý oblysy úshin eń mańyzdy kásibi merekelerdiń biri bolyp qala beredi. Búginde «Qazaqmys» kompaniialar toby metallýrgiialyq kásiporyndardy jańǵyrtý, óndiristik qaýipsizdik deńgeiin arttyrý, zamanaýi tehnologiialardy engizý jáne óńirlerdiń damýyna baǵyttalǵan áleýmettik jobalardy júieli túrde júzege asyrý jumystaryn jalǵastyryp keledi.
