Memleket basshysy Qorǵanys ministri Dáýren Qosanovty qabyldady, dep habarlaidy Dalanews.kz.
Prezident – Qazaqstan Respýblikasy Qarýly Kúshteriniń Joǵarǵy Bas Qolbasshysy Qasym-Jomart Toqaevqa qorǵanys vedomstvosynyń 2025 jyldyń birinshi jartyjyldyǵynda atqarǵan qyzmeti týraly baiandaldy.
Memleket basshysyna armiianyń jaýyngerlik daiyndyǵy, kóktemgi ásker qataryna shaqyrý naýqanynyń nátijeleri, áskeri-patriottyq tárbie júiesin jetildirý jáne áskeri qyzmetshilerdi áleýmettik turǵydan qamsyzdandyrý sharalary jóninde málimet berildi.
Dáýren Qosanov Prezident tapsyrmalarynyń oryndalý barysyn jetkizdi. Atap aitqanda, Memleket basshysyna áskerdiń utqyrlyq deńgeiin arttyrý, áýe shabýylyna qarsy qorǵanysty kúsheitý, aýmaqtyq ásker men ushqyshsyz ushatyn apparattar bólimshesin, áskeri infraqurylymdy damytý, sondai-aq qorǵanys salasyndaǵy memlekettik tapsyrysty ornalastyrý máseleleri jóninde aqparat usynyldy.
Qasym-Jomart Toqaev ministrge Qarýly kúshterdiń áskeri áleýetin odan ári arttyrý jóninde birqatar mindet júktedi. Sonymen qatar Memleket basshysy áskeri qyzmettiń qaýipsizdigin qamtamasyz etýge, áskeri qyzmetshilerdiń jaraqat alý jáne jazym bolý oqiǵalarynyń aldyn alýǵa baǵyttalǵan keshendi sharalar qabyldaýdyń mańyzdylyǵyna nazar aýdardy.
