Elordada vandalizm áreketteri men qoǵamdyq tártipti buzý jaǵdailarynyń aldyn alý boiynsha júieli jumys jalǵasyp jatyr. Kezekti múlikti búldirý oqiǵalary astanalyq politseiler tarapynan anyqtaldy,- dep habarlaidy Dalanews.kz
Máselen, 26 shilde kúni túngi saǵat 03:39 shamasynda Bekturov kóshesindegi turǵyn úilerdiń biriniń kireberisinde 19 jastaǵy jas jigit mas kúiinde aqparattyq stendti judyryqpen uryp, ádeii syndyrǵan. Oǵan QR Ákimshilik quqyq buzýshylyq týraly kodeksiniń 147-1-baby – «Bógde múlikti qasaqana joiý nemese búldirý» boiynsha ákimshilik jaýapkershilik júkteldi.
Taǵy bir jaǵdaida 45 jastaǵy qala turǵyny Toyota Avensis markaly avtokólikti zaqymdaǵan: kapotyn, esikterin jáne qanatyn syryp ketken. Materialdyq zalal keltirildi. Quqyq buzýshynyń tulǵasy anyqtalyp, oǵan da tiisti ákimshilik sharalar qoldanyldy.
2025 jyldyń basynan beri osyǵan uqsas quqyqbuzýshylyqtar úshin 150 adam jaýapqa tartylǵan. Onyń ishinde 82 adam qamaýǵa alynyp, 68 adamǵa aiyppul salynǵan.
«Stop, vandal!» aldyn alý aktsiiasy jalǵasýda. Onyń aiasynda kúndizgi jáne túngi reidter, turǵyndarmen túsindirý jumysy, sondai-aq volonterlerdiń, belsendiler men tanymal sportshylardyń qatysýymen túrli is-sharalar ótkizilip keledi. Negizgi maqsat – azamattardyń qoǵamdyq múlikke jaýapkershilikpen qaraýyn qalyptastyrý jáne quqyqbuzýshylyqtar sanyn azaitý.
«Zań jáne tártip» qaǵidaty aiasynda elordalyq politsiia men prokýratýra birlesip vandalizmge qarsy belsendi jumys júrgizýde. Bógde múlikti ádeii joiý nemese búldirý úshin 60 AEK-ke deiin aiyppul salý nemese 30 táýlikke deiin qamaýǵa alý jazasy kózdelgen.
