Memleket basshysynyń bastamasymen el aýmaǵynda bastaý alǵan «Taza Qazaqstan» ekologiialyq aktsiiasy aiasynda 1 tamyz kúni Mańǵystaý sportshylary teńiz jaǵalaýyn qoqystan tazalady. Ekologiialyq naýqan aiasynda 25 tonnaǵa jýyq qoqys shyǵaryldy,- dep habarlaidy Dalanews.kz Óńirlik Qoǵamdyq kommýnikatsiia ortalyǵyna silteme jasap.
Ekologiialyq is-sharaǵa 37 sport mekemesinen 450 sportshy qatysty. Qatysýshylarǵa qalalyq ákimdik tarapynan qajetti qural-jabdyqtar berildi.
-Óńir sportshylary tazalyq jumystaryn jii júrgizedi. Búgin 25 tonnaǵa jýyq qoqys shyǵaryldy. Bul jumystardy aldaǵy ýaqytta da jalǵastyrý josparda bar, - dedi Mańǵystaý oblystyq dene shynyqtyrý jáne sport basqarmasy basshysynyń orynbasary Qanat Mangýbaev.
Tazalyq naýqanyna qatysqan erkin kúresten Aziia chempiony Mais Aliev barsha óńir turǵyndaryn teńiz jaǵalaýyn ǵana emes, qalamyzdy da taza ustaýǵa shaqyrdy.
-Biz buǵan deiin de sportshylarmen, jattyqtyrýshylarmen birge tazalyq jumystaryn júrgizgenbiz. Meniń oiymsha, tazalyq ár adamnyń ózinen bastalady. Aqtaý - bizdiń ortaq úiimiz. Barsha óńir turǵyndaryn teńiz jaǵalaýyn ǵana emes, qalamyzdy da taza ustaýǵa shaqyramyn, - dedi Mais Aliev.
