Almatynyń «Qaırat» klýby men Qazaqstan ulttyq quramasynyń qaqpashysy Temirlan Anarbekov komandasymen jańa kelisimshartqa qol qoıdy, dep habarlaıdy Dalanews.kz.
22 jastaǵy qazaqstandyq qaqpashy «Qaıratpen» 2028 jyldyń qarasha aıyna deıin eseptelgen jańa kelisim jasasty. Osylaısha, Eýropa klýbtaryna aýysýy múmkin degen qaýesetterge qaramastan, Anarbekov mansabyn Almatyda jalǵastyratyn boldy.
Maýsym basynda Temirlan «Qaıratta» negizgi quramda bolmaǵan. Alaıda negizgi qaqpashy Aleksandr Zarýskıı jaraqat alǵannan keıin alańǵa shyǵyp, ózin tolyqtaı dáleldeı aldy.
Buǵan deıin "Qaırat" fýtbol klýbynyń qaqpashysy Temirlan Anarbekov Chempıondar lıgasy oıynshylary reıtıńinde kósh bastaǵan bolatyn.
ÝEFA Chempıondar lıgasynyń 2025/26 maýsymyndaǵy toptyq kezeńniń altynshy týrynan keıin «Qaırat» qaqpashysy Temirlan Anarbekov fýtbol álemin tańǵaldyrdy.
SofaScore portaly jarıalaǵan eń joǵary kórsetkish jınaǵan oıynshylar reıtıńinde qazaqstandyq qaqpashy Kılıan Mbappeden ozyp tústi:
Anarbekov — 8,9
Mbappe — 8,34
