Jyl basynan beri Qarýly Kúshterde áskeri qyzmetshilerdiń qaza tabýyna bailanysty Qorǵanys ministri aviatsiia general-leitenanty Dáýren Qosanovtyń tapsyrmasy boiynsha mundai qaiǵyly oqiǵalardyń aldyn alýǵa baǵyttalǵan shuǵyl sharalar kesheni qabyldandy, dep habarlaidy Dalanews.kz.
Birinshi. Tárbie jumysynyń uiymdastyrylýy men áskeri tártipti baqylaý kúsheitildi. Qarý-jaraqty paidalaný, sabaqtar ótkizý, atys jattyǵýlary men tapsyrmalardy oryndaý kezinde jarǵylyq talaptar men qaýipsizdik sharalaryn saqtaý talaptary qatańdatyldy.
Ekinshi. Áskeri bólimderge Qarýly Kúshterdiń jeke quramyn keshendi psihologiialyq tekserýden ótkizý úshin komissiialar jiberildi. Áskeri qyzmetshilerdiń psihikalyq jai-kúiine, sondai-aq qyzmettik mindetterdi oryndaýǵa psihologiialyq daiyndyq deńgeiine qaita baǵalaý júrgizilýde.
Úshinshi. Komandirler men serjanttyq quramnyń jeke jaýapkershiligi arttyryldy. Negizgi nazar oqys oqiǵalardyń aldyn alýǵa jáne qaýipsiz minez-qulyq daǵdylaryn qalyptastyrýǵa baǵyttaldy.
Tórtinshi. Áskeri politsiia kúshterimen áskeri bólimderde jan-jaqty tekserýler uiymdastyryldy. Jeke quramǵa baqylaý, beinebaqylaý, onyń ishinde qyzmetten tys ýaqytta da, kúsheitildi.
Besinshi. Táýlik boiy baqylaý engizilip, quqyq buzýshylyqtar men oqiǵalardyń aldyn alýǵa baǵyttalǵan qosymsha profilaktikalyq sharalar qabyldandy.
Altynshy. Áskeri qyzmetshilerdiń týystarymen turaqty beinebailanysy qamtamasyz etildi. Sonymen qatar bólimshe komandirleri ata-analarmen resmi bailanys arnalary arqyly turaqty túrde bailanysta.
Oryn alǵan barlyq oqiǵalar boiynsha naqty kadrlyq jáne tártiptik sheshimder qabyldandy. «Shyǵys» óńirlik qolbasshylyǵynyń qolbasshysy, shtab bastyǵy jáne qolbasshynyń tárbie jáne ideologiialyq jumys jónindegi orynbasary tártiptik jaýapkershilikke tartyldy. Áskeri qyzmetshi qaza tapqan áskeri bólimniń komandiri, onyń orynbasary, sondai-aq batalon komandiri atqaryp otyrǵan laýazymdarynan bosatyldy.
