Májilis depýtaty Murat Ábenov jeke mektepter salasyndaǵy zańbuzýshylyqtarǵa qatysty qatań sharalar qabyldanatynyn málimdedi, dep habarlaidy Dalanews.kz.
Onyń aitýynsha, 1 aqpannan bastap jeke mektepterdiń qyzmetin tek Bilim ministrligi emes, quqyq qorǵaý organdary da teksere bastaidy. Depýtattyń sózinshe, sońǵy jyldary birqatar jekemenshik mektepter memlekettik qarjyny zańsyz paidalanyp kelgen.
«Men birden aitaiyn, jeke mekteptiń ieleri 1 aqpannan bastap ministrden emes, quqyq qorǵaý organdarynan tekserýge barady. Búkil urlaǵan aqshany qaitarýǵa jumys isteidi. Tek qana ursyp qoimai, jaýapqa tartady, túrmege qamaidy urlaǵan adamdardy. Soǵan daiyn bolý kerek. Taǵy bostan-bosqa shýlatýdyń qajeti joq», – dedi Murat Ábenov.
Onyń aitýynsha, memleketten bólingen qarjynyń maqsatsyz jumsalýy jai tártipbuzýshylyq emes, qylmys. Sondyqtan endigi jerde tek eskertý jasaýmen shektelmei, naqty jaýapkershilik bolady.
Depýtat jeke mektepterdiń bárin birdei aiyptaýǵa bolmaitynyn da atap ótti.
«Bárin birdei jaman dep aita almaimyn. Jaqsy mektepter de bar, olardy qoldaýymyz kerek», – dedi ol.
Murat Ábenovtiń aitýynsha, tekseris negizgi eki baǵytta júrgiziledi:
– memlekettik qarjynyń qalai jumsalǵany;
– mektep ashýǵa berilgen ruqsattardyń zańdylyǵy.
Osylaisha, memleket qarjysyn jeke bizneske ainaldyrǵandar úshin «jai tekseris» kezeńi aiaqtalmaq.
