Májilis depýtaty Aıdos Sarym konstıtýsıalyq reforma barysynda memleket basshysy Qasym-Jomart Toqaevtyń prezıdenttik ókilettigi ózgermeıtinin aıtty, dep habarlaıdy Dalanews.kz.
"Bizdiń prezıdentimiz keıbir adamdar oılaǵandaı bılikqumar adam emes. Ol óz ustanymy bar, fılosofıasy bar adam. Sondyqtan, meniń oıymsha, 2029 jyly Qazaqstanda úshinshi prezıdent bolady. Menińshe, prezıdent óz sózine berik azamat", - deıdi Sarym bairaq media-ǵa bergen suhbatynda.
Ol konstıtýsıada prezıdenttiń ókilettigin, áleýetin arttyratyn norma joǵyn aıtady.
"Eń kóp ózgeris adam quqyǵyna qatysty, ekinshi orynda ókiletti bılik, sot júıesi. Solarǵa qatysty jańa baptar bar. Vıse-prezıdent ınstıtýty kirip jatyr degennen basqa prezıdenttiń rólin kúsheıtetin baptar joq. Aldaǵy ýaqytta aldyńǵy nusqasyn tanystyratyn shyǵar", - deıdi depýtat.
Ol prezıdenttiń merzimi ózgermeıdi dep sendirdi.
"Týystary saıasatqa aralaspaıdy. Jemqor sheneýnikter saılanbaýy tıis degen baptar enip jatyr. Prezıdent bir merzimge - 7 jylǵa saılanady", - deıdi Aıdos Sarym.
