مەجٸلٸس دەپۋتاتى ايدوس سارىم كونستيتۋتسييالىق رەفورما بارىسىندا مەملەكەت باسشىسى قاسىم-جومارت توقاەۆتىڭ پرەزيدەنتتٸك ٶكٸلەتتٸگٸ ٶزگەرمەيتٸنٸن ايتتى, دەپ حابارلايدى Dalanews.kz.
"بٸزدٸڭ پرەزيدەنتٸمٸز كەيبٸر ادامدار ويلاعانداي بيلٸكقۇمار ادام ەمەس. ول ٶز ۇستانىمى بار, فيلوسوفيياسى بار ادام. سوندىقتان, مەنٸڭ ويىمشا, 2029 جىلى قازاقستاندا ٷشٸنشٸ پرەزيدەنت بولادى. مەنٸڭشە, پرەزيدەنت ٶز سٶزٸنە بەرٸك ازامات", - دەيدٸ سارىم bairaq media-عا بەرگەن سۇحباتىندا.
ول كونستيتۋتسييادا پرەزيدەنتتٸڭ ٶكٸلەتتٸگٸن, ەلەۋەتٸن ارتتىراتىن نورما جوعىن ايتادى.
"ەڭ كٶپ ٶزگەرٸس ادام قۇقىعىنا قاتىستى, ەكٸنشٸ ورىندا ٶكٸلەتتٸ بيلٸك, سوت جٷيەسٸ. سولارعا قاتىستى جاڭا باپتار بار. ۆيتسە-پرەزيدەنت ينستيتۋتى كٸرٸپ جاتىر دەگەننەن باسقا پرەزيدەنتتٸڭ رٶلٸن كٷشەيتەتٸن باپتار جوق. الداعى ۋاقىتتا الدىڭعى نۇسقاسىن تانىستىراتىن شىعار", - دەيدٸ دەپۋتات.
ول پرەزيدەنتتٸڭ مەرزٸمٸ ٶزگەرمەيدٸ دەپ سەندٸردٸ.
"تۋىستارى ساياساتقا ارالاسپايدى. جەمقور شەنەۋنٸكتەر سايلانباۋى تيٸس دەگەن باپتار ەنٸپ جاتىر. پرەزيدەنت بٸر مەرزٸمگە - 7 جىلعا سايلانادى", - دەيدٸ ايدوس سارىم.
