Zeinet jasyna jetýine bailanysty qazaqstandyqtarǵa Biryńǵai jinaqtaýshy zeinetaqy qorynan 196,23 mlrd teńge tólendi. BJZQ-dan keste boiynsha beriletin ortasha ai saiynǵy tólem 39 008 teńgeni qurady, dep habarlaidy dalanews.kz.
2027 jylǵy biýdjet jobasynda eń tómengi bazalyq zeinetaqy tólemin 38 622 teńge deńgeiinde belgileý kózdelgen. Al eń tómengi yntymaqty zeinetaqy mólsheri 74 919 teńge bolady.
Qazaqstandaǵy zeinetaqy tólemi ázirge úsh bólikten qalyptasady.
Birinshisi – biýdjetten tólenetin bazalyq zeinetaqy. Onyń mólsheri azamattyń zeinetaqy júiesine qatysý ótiline bailanysty esepteledi.
Ekinshisi – 1998 jylǵa deiin jinaqtalǵan eńbek ótili úshin taǵaiyndalatyn yntymaqty zeinetaqy.
Úshinshisi – jinaqtaýshy bólik. Bul tólem ENPF-daǵy zeinetaqy shotynda jinaqtalǵan qarajat kólemine bailanysty.
Osylaisha, zeinet jasyna jetken azamattyń alatyn jalpy zeinetaqysy onyń eńbek ótiline, zeinetaqy júiesine qatysý merzimine jáne ENPF-da jinaqtalǵan qarajatyna qarai ózgeredi.
