Qasym-Jomart Toqaev Natalia Bocharovany qabyldady, dep habarlaidy dalanews.kz.
Aqordada Prezident Qasym-Jomart Toqaev Halyqaralyq orys tili uiymynyń bas hatshysy Natalia Bocharovamen kezdesti. Memleket basshysy uiymnyń gýmanitarlyq bailanystardy nyǵaitýǵa baǵyttalǵan zamanaýi, bedeldi ári tiimdi qurylym retinde qalyptasýy asa ózekti ekenin atap ótti.
Áńgimelesý barysynda bilim, ǵylym jáne mádeniet salalaryndaǵy yntymaqtastyq perspektivasy talqylandy. Qasym-Jomart Toqaev birlesken jobalardy júzege asyrý kezinde uiymǵa múshe barlyq elderdiń múddesine teń qaraýdyń mańyzyna nazar aýdardy.
Prezidenttiń paiymdaýynsha, til saiasilandyratyn másele emes, kerisinshe adamdardy biriktirýge, ózara túsinistikke qyzmet etýge tiis. Natalia Bocharova uiym qyzmetine qoldaý kórsetkeni úshin Memleket basshysyna alǵys aityp, aldaǵy damý jospary týraly málimet berdi.
