Almaty oblysynda jastar arasynda zań talaptaryn saqtaý mádenietin qalyptastyrý jáne qarjylyq saýattylyqty arttyrýǵa baǵyttalǵan «Meniń tańdaýym — zań jáne qarjylyq qaýipsizdik» atty profilaktikalyq forým ótti. Almaty oblysy boiynsha Ekonomikalyq tergeý departamenti uiymdastyrǵan aýqymdy is-sharaǵa 500-den astam oqýshy qatysty, dep habarlaidy Dalanews.kz.
Forým barysynda mektep oqýshylary quqyq buzýshylyqtyń aldyn alý men qarjylyq saýattylyqty damytýǵa arnalǵan avtorlyq jobalaryn tanystyrdy. Sondai-aq qatysýshylar ulttyq oiyn — toǵyzqumalaqtan baq synap, logikalyq oilaý men strategiialyq sheshim qabyldaý qabiletterin ushtady.
Sharada jasóspirimder úshin zamanaýi qaýipter — dropperlik, lýdomaniia jáne veipterdiń taralýy siiaqty ózekti máseleler keńinen talqylandy. Sala mamandary oqýshylarǵa kúmándi qarjylyq operatsiialardan saqtaný, jeke karta málimetterin bógde adamdarǵa bermeý jáne zańsyz usynystardan bas tartý joldaryn túsindirdi.
Forýmnyń qorytyndy bóliginde zańsyz oiyn avtomattary, dropperlik kartalar men veipterdiń maketterin joiýǵa arnalǵan simvolikalyq aktsiia uiymdastyryldy.
Uiymdastyrýshylardyń aitýynsha, mundai sharalardyń basty maqsaty — ósip kele jatqan urpaqty jaýapty sheshim qabyldaýǵa baǵyttaý jáne zańdy saqtaý arqyly qaýipsiz keleshek qalyptastyrý.
